Maibe kazu ida ne'e laós kazu foun ida. Partidu opozisaun mós sempre bolu bebeik atensaun ba ida ne'e. Membru parlamentu barak mak hakarak sai deputadu atu hetan deit sasan hanesan PAJERO ho salariu bot maibe laiha intensaun atu servi povu.
Presidente Horta nia ameasa ohin ne mos sai hanesan presaun boot ida ba Jose Alexandre Gusmao ho ninia AMP tanba agora laos deit ona FRETILIN mak kolia kona ba eleisaun antesipada. Ita sei haree katak "Spin doctors" sira iha AMP sei tenta atu minimisa Presidente Horta nia steitmentu ne katak ida ne hanesan "chamada de atenção" ida ba AMP atu "servisu diak liu tan". Maibe Presidente Horta nia liafuan ne hatudu katak konfiansa ba AMP lae ona iha nivel nebe ideal atu governu ida, maski de facto, halao ninia funsaun ho optima. Eskandalu nebe involve korupsaun barak iha governu laran hamonu makas AMP ho Jose Alexandre nia oin.
Presidente Horta nia steitmentu ne mos doko AMP nia "kepercayaan diri" (self confidence) uitoan i ba populasaun barak nebe mak komesa iha duvidas makas kona ba AMP (governu no mos deputadu sira), steitmentu ne serve atu hametin tan deit duvidas sira ne. Ba povu iha maioria, membru parlamentu ho membru governo hanesan deit, merek ida deit. Bainhira membru parlamentu la halo servisu diak, ne indikasaun katak membru governu mos hanesan. Nune mos bainhira membru governo halo korupsaun, povo interpreta katak membro parlamento mos kong kali kong ho sira. Ne duni Presidente Horta nia liafuan ne hanesan terremoto bot ida atu doko AMP nia kadeira.
Iha mos indikasaun barak katak iha AMP laran iha friksaun makas liu-liu ho nomeasaun ba membru governu foun. Friksaun ne makas liu mai husi politikus PD sira tamba sira nia militante sira la representativu iha governu AMP laran maski sira mak segundo maior partidu iha aliansa laran. Karik sentimentu hostil ida ne representadu hotu iha parlamentu laran ho deputadu PD sira nian ita seidauk hatene loloos. Maibe Presidente Horta nia steitmentu ohin ne bele fo indikasaun uitoan mai ita.
Presidente Horta sei la koalia arbiru se karik nia haree katak nia laiha "back up" politiku, liu-liu iha Uma Fukun. Se Presidente Horta hakarak dissolve Parlamento, nia bele konta ona ho FRETILIN, e talves KOTA ho ASDT. Maibe ho suporte husi deputadu PD nian bele halo ninia "back up" ne forti liu tan.
Maibe ita hotu hatene katak Presidente Horta dala barak mak koalia arbiru deit. Maibe ninia liafuan ida ne mak kroat liu ninia steitmentu sira seluk i dalaruma bele hamosu instabilidade tanba nia tau nia an diretamente hasoru Jose Alexandre Gusmao, PM de facto. Se ninia liafuan ne sai husi nia ibun hanesan asbun deit, Presidente Horta nia credibilidade sei sofre ho ida ne. Se iha duni intensaun politika ida atu chama atenção deit ka atu dissolve duni parlamento, ita bele hein dezenvolvimentu politika ida interesante tebtebes ba Timor-Leste iha tempu badak nia laran.
Ita hein...
7 comments:
berita bagus....
yang benar aja, jangan keer dulu karena, RH biasanya ngomong kosong yang baik, karena beliau itu takut kepa XG.
Laos deit kurpsi osan maibe oras mos sira korupsi hodi la tama servisu.
se akontese diak liu,kedaulatan kembali ketanggan rakyat. elisaun foun hili ema nebe servisu duni ba povu. Ida ne’e mak sira nia moras nebe halo sira tenki monu
kuitadu AMP, ne'e hanesan krisi institusional iha parlamentu laran sira la bele duni halo fungsaun ho diak hanesan barak mak la tama servisu seim razaum,la iha fizkalisaun nebe los,adequadu no justu. interese povu la dun atende liu,mall planiamentu hanesan uza osan sosa kareta no hasae salariu.
hahalok ne'e hanesan Evangelho PADRE MARTINHO dehan dalan diak ba Salvasaun.
Evangelho PADRE MARTINHO dehan katak kuandu imi hare buat sira ne'e mosu querizer RIP. agora ita dehan RIP AMP. Berdiamlah dalam kedamaian AMP.Requem Interu Pax
Hanesan jovenTimor, hw triste wainhira rona informasaun ida ne'e, ktk Sr. Ramos horta hkrk Disolve parlamento. tamba hakarak kria kultura ida ne'ebe mak hakarak atu buka hatun malu, hakarak atu fahe malu. problema boot ne'ebe mak Indonesia halo mai ita too fakar ran, mate, lakon familya, mas sei buka meus rezolve ho ulun malirin, ho sistema hanesan familiar, la persiza tribunal atu tesi lia. mas ita hakfodak oituan, wainhira ita mesak Timor oan, seidauk hatene problema husi ne'e, hakarak atu Disolve. aneh.......... Tamba sa la harii ekipa ida hodi halo monitiorizasaun para hare deputadu sira nia aktividades. maibe sala kwando hakarak atu dezolve parlamento. koalia faci, no facil atu dezolve, maibe persija estuda nia impacto. povo hakarak atu tuur hakmatek. povu han hemu laiha, hanoin atu han hemu ita boot sira halo politika hodi halo siguranca la hakmatek. mas ita hanesan estudantes, mos persija analiza lai, keta krk Sr. presidenti temi Dezolve, maluk Timor sira ne'ebe mak Fo apoiu ba dezolve hamrik, ema bele kuinhese, ohhhhhhhhhhhh ema sira ne'e mak hakarak tebes atu dezolve problema. politika susar atu hetan analiza ne'ebe mak konkretu. ilmu pasti deit ema sei haksesuk malu, apalagi socia.
maluk sira, lalika keburu, atu halai tuir ema boot sira. ita halai tuir ema boot, ema helik ita soke monu hela.ema hateke fila hodi htt mate o!!!!!!!!!!!! imi analiza didiak tok krize 2006, Sr. Xanana htt ami husi laleia to'o oecusi mesak milisi deit, maluk sira husi loromonu barak mak terhiponetis no hamrik hodi hakilar, hodi duni maluk sira husi loro sa'e. wainhira Maluk Alfredo Organiza no no halao resistencia oan, too mate ehhhhhhhh ema ida la halo buat ida. jelas Sr Xanana labele halo buat ida, tamaba Sr. Xanana kan htt tia ona Husi laleia too Oecusi kan milisi oan, jadi se mak hanesan ulun ba milisi ita tengki hare no oho, se mak atu sai kadeia ba ida ne'e. mate saugatiema ne'ebe mak tuir hatama tan iha kadeia. tamba ita komprende sala. nun'e mos Agora, keta krk Sr. Ramos horta dhn atu dezolve parlamento, depois mak ita Timor oan barak ne'ebe mak ahkarak atu dezolve hamriik hodi hakilar, ema tau hela matan hodi dehan hein o nian, hanesan imi mak hakarak atu dezolve k! se imi hakarak atu dezolve entaun imi ne'e traidor! hakark duni atu estraga rai Timor. persija tau matan............... ita taka dalan ba ita nia an.
(nakali)
From: Raul Casanova (RENETIL)
Não me digas Fretilin rende tiha ona halo oposição, agora Horta maka sai fali porta-voz oposição. Fretilin exige eleições antecipadas la consegue. Ameaça fali ho Marça da Paz la consegue. Oin-sa mak Horta bele consegue se nian mesak de'it? Fretilin ba tan, foin iha ema 23 pessoas maka hakarak eleisaun antecipadas. KOTA/PPT ba tan foin hetan 25, bainhira maka hetan maioria iha PN hodi dissolve Parlamento e hamonu Governo?
Horta mos la'os beik, nia to'o iha PR la'os tanba hetan votos husi Fretilin, maibe eleitores sira nebe kontra Fretilin maka hili Horta. Karik Horta sei hakarak kadidata an dala ida tan PR, nia la sei halo politika kontra ema sira hili nia. Karik Horta nia mensagem ne hatudu ba Fretilin iha eleições presidenciais mai hodi hetan fali apoio husi Fretilin, maka Horta lalika atu mehi manan iha eleisoens mai. Tanba votantes Fretilin agora ki'ik liu AMP sira nian.
Ba hau Horta nia afirmação ne'e hanesan buat baibain ida, tanba Horta ema ida gosta halo noticia. Aban nia sei dehan fali buat seluk.
FRS
Los......keta konfia Horta.....salai konfu. Problema Horta-Xanana... Lasama...cs treinado tinan 6 iha konfu..
Aprende halo treino husi konfu.. Alfredo Reinado.. AMP.. Alfredo Mati Parcuma.
Aprende halo treino husi taka petisionarios sira ibun ho 4500 USD
Aprende husi hamosu isu loro sae lorumonu iha 23 Marco 2006,,,,
Aprende husi akuza delegados FRETILIN sira simu kilat iha 22 Junho 2006
Aprende buat barak tan nunee keta lai fiar hein lai supermie se tun ba 0,5 Usd kalae?????
Petisaun sira se fila ba F-FDTL kalae?
Bukti F-FDTL halo masacre ba 60 orang iha Lafatik...
Etccccccccccccc
Post a Comment