Foin daudauk PGR foun, Dra. Ana Pessoa foti medidas atu hasai Carmelita Moniz ho João Câncio husi Konsellu Superior Ministeriu Publiku nian. Sira nain rua ne JAG mak foti kuandu nia sei kaer pozisaun hanesan PR e Longuinhos Monteiro, PGR. De facto de ema hanesan Longuinhos Monteiro, Carmelita Moniz ho João Câncio bele hetan fatin xave iha instituisaun sira importante hanesan justisa, mak buat ida JAG husik hela ba ita, tanba JAG nia inkompetensia no mos insensitividade. I parese inkompetensia no mos insensitividade ne kontinua ho ema sira hanesan Gil Alves, nebe hola parte iha gabinete AMP nian.
Agora, parese JAG komesa iha ona sensibilidade uitoan. Korrupsaun maka'as nebe karakteriza governu AMP nian dezde tinan rua nia laran ate halo JAG mos arrependido. Tan deit JAG hakarak sai PM, nia ate sakrifika futuru Timor-Leste nian hodi hili ema sira nebe mak iha background laloos: husi criminosos de guerra, criminosos ordinarios, korruptor no mos naok ten loromanas nian (e.g. Papito Monteiro). Dalaruma JAG tenki enfrenta duni situasaun sira hanesan ne antes de nia bele halo reflesaun ida profunda ba ninia hahalok: karik hahalok ne kompromete futuru tempu naruk nasaun RDTL?
Desizaun husi Dra. Ana Pessoa atu "hamoos" instituisaun MP husi ema sira nebe mak servisu hanesan parazita ne desizaun normal ida bainhira ema hakarak duni iha mudansa ba diak. PR Horta mos iha inisiativa diak atu halo mudansa sira ne hodi dudu sees tiha Longuinhos Monteiro. Agora Dra. Ana Pessoa nia servisu maka atu hamoos MP husi parazita sira seluk. Ba ida ne'e, Dra. Ana Pessoa nia desizaun atu hasai Carmelita Moniz ho João Câncio mos desizaun ida normal no rasional. Ita duvida maka'as bazeia ba meritu saida mak JAG fihir atu tau ema nain rua ne (ho ema lubun ida tan) iha MP? Ka JAG nia desizaun atu hili ema sira ne para atu monta deit estratejia politika iha MP laran hodi favorese JAG nia actividade extra-constitusional sira ne? Ne duni Dra. Ana Pessoa agora simu oportunidade ida atu fali buat nebe loos iha ninia fatin. PR Horta ho JAG, maski obrigado, mos aseita Dra. Ana Pessoa nia medida ida ne.
Maibe ita hare kedan katak pelmenus Carmelita Moniz ho ema sira nebe lubuk iha partidu CONARETI (Congresso Nacional da Reconstrução Timorense, atu distingue husi CNRT loloos) la simu. Ba sira medida nebe Dra. Ana Pessoa foti ne hanesan derrota bot ida. Carmelita Moniz tanba nia lakon ninia fatin iha KSMP no mos lakon ninia prestigiu barak bianhira mosu indikasaun katak ema sira hanesan JAG ne bele foti nia no hatun nia konforme sira nia hakarak. Carmelita Moniz iha espiritu ida nebe brani tebtebes hodi laiha sentimentu moe uitoan iha ninia laran. Uluk iha tempu Indonesia nian nia konsege fa'an nia an hodi sai FPDK nia dirigente ida. Ikus mai konsege haksoit fali hodi ba tabele ba JAG para sai lerek deputada CONARETI nian iha Parlamento Nacional. Ne duni agora mos Carmelita Moniz nia sentimentu moe laiha ne ho aten brani, luta nafatin atu kaer metin ninia kadeira iha KSMP. Nia ho bankada partidu CONARETI hasai steitmentu atu defende ninia "direitu" atu tuur iha KSMP. Maibe nia laiha esperansa. Hanesan uluk JAG tau nia iha KSMP, agora mos JAG sei hasai nia husi KSMP. Iha JAG nia jogada, JAG mak sempre manda. Carmelita Moniz laiha pozisaun forte atu koalia kontra JAG nia desizaun ne, liuliu tanba Carmelita nia passado nebe uluk defende maka'as autonomia ho Indonesia.
Fila fali ba partidu CONARETI, desizaun PR Horta ho JAG atu defende Dra. Ana Pessoa nia medida sai hanesan sinal bot ida katak sira nia lubun oan iha Parlamento Nacional ne la vale ida. JAG mak tau sira iha neba tanba laiha tan ema seluk ho kakutak sei joga nebe hakarak monu ba JAG nia jogada. JAG nia desizaun atu apoia Dra. Ana Pessoa maski kontra fali sira nia hakarak hatudu katak CONARETI ne hanesan kurtina ida, JAG loke ka taka konforme nia hakarak. CONARETI laiha relevansia iha sena politika Timor-Leste nian tanba deputado sira ne, individualmente, laiha kapasidade no mos laiha suporte husi eleitor sira. Hodi JAG nia naran mak iha netik deputado CONARETI nian iha Parlamento Nacional. Ho desizaun sira hanesan JAG halo hodi hakat liu tiha sira nia kompetensia, hatudu nafatin ba publiku kona ba sira nia irelevansia no impotensia. Ezemplu sira tuur iha Parlamento maibe la vota tuir sira nia konsiensia, tuir mak JAG nia hakarak. Sira hanesan boneka, e kuandu sira deside atu simu JAG nia konvite atu tama iha lista CONARETI nian iha eleisaun, sira mos hatene no simu facto ida ne. Agora komesa iha movimentu uitoan atu liberta sira nia an husi dominiu JAG nian, ezemplu bainhira sira rejeita JAG nia desizaun atu apoia Mari Alkatiri atu lidera negosiasaun ba Timor Gap. Maibe agora difisil uitoan tanba sira tama liu tiha ona JAG nia lasu. Se mak manda? JAG mak manda, claro. Laos CONARETI.
Maibe tansa mak CONARETI hakarak defende mate mean Carmelita Moniz ho Joao Câncio atu tuur nafatin iha KSMP maski PR Horta rasik dehan katak Dra. Ana Pessoa nia medida ne razoavel? E que JAG mos konkorda ho Dra. Ana Pessoa nia hakarak? Maibe pergunta ida ne irrelevante. Deputadu sira iha CONARETI ne hanoin kala sira ne se? Ida ne pergunta ida simple no fasil liu atu ita hatan.
3 comments:
diak liu hasai tiha deit Carmelita ne, TL halo moe an deit uluk sai bapa nia Budak sex tama iha FPDK fo racun ba amu Belo, mas moe la iha. ema hanesan Carmelita moe la iha duni tamba nia moe bapa hacurkan hotu ona iha tempu Indonesia. ne'ebe hau inan agora la iha ona moe buka han tama deit, tabele ba katuas Xanana hodi hetan fatin diak iha governu AMP. nune' mos CAncio Waimua rai mena OStiko ne' mos moe la iha ona, nia kala haluha ona mas ema balu seidauk haluha katak uluk mahsisa UNTIM halo demo nia mak ba inkeritu katuas Armindo Maia i tuku tan katuas nia ulun ba temok no hateten Untim ini bukan tempat GPK np koalia at los jovem sira nebe luta ba indepedensia mas hafoin Timor ukun an komu sira aproveita konseitu Rekonsiliasaun Katuas Xanana nia hodi haksoit tama tiha iha Xanan nia kalili okos i Xanan mos la sadar hatama tiha ema sira ne'ebe penetang Kemeredekaan ba iha governu AMP.
Dany jovem Timor, laos mauhu
Maluk sira, imi haree took website CNRT nian nebe dehan:
It is Time for Change!
It is time to save the people of East Timor from political, social and economic atrophy. We need a radical transformation in Government:
From a culture of nepotism to a culture of justice
From a culture of servility to a culture of transparency
From a culture of self-service to a culture of social solidarity
From a culture of power to a culture of serving
From a culture of arrogance to a culture of tolerance
From a culture of corruption to a culture of responsibility
NE"E OMONG KOSONG HOTU TAMBA AGORA NAUK TEN (KKN) MAK NAKONU IHA AMP LARAN!!!!
Ba Carmelita ho Joao Cancio, lalika perkupa liu ho buat hirak ne'e, vida politika hanorin ita hanesan ne'e duni, maibe se buat hirak ne'ebe mak maluk ida hakerekn iha leten hateten katak ita bot tau duni racun ba amo bispo ne'e los entaun sente an ba tamba buat ne'e ema nia vida laiha toleransia, maibe se laos entaun kontinua ho ita nia pozisaun
Post a Comment