Horisehik tuku 3.45 loraik kareta UNPOL rua ba bomba gazolina Poalaka nian iha Fatuhada, iha Land Mark nia sorin. Polisia foti kaixa 6 husi neba, nakonu ho botas TNI nian. Botas sira ne atu fornese ba guardas prizionais.
Proyek atu sosa farda ba guardas prizionais ne nakonu ho alegasaun KKN maka'as hasoru Ministra da Justisa de facto, Dra. Lucia Lobato, ho nia katuas oan, Americo Lopes.
Kompanhia nebe "manan" tender atu sosa farda ba guardas prizionais ne dehan katak Ministra da Justica de facto ho nia katuas oan mak iha kotuk. Ministra da Justisa uza deit kompanhia ne nia naran i selu nia 10% hodi nune Lucia Lobato bele foti osan US$97,500.00.
Fontes seluk hatete katak osan US$97,500.00 ne atu uza hodi sosa kareta HUMMER nebe Lucia Lobato ho Americo Lopes foin sosa.
Investigasaun ne sei sai iha Tempo Semanal semana oin.
24 comments:
Lucia .... Lucia!!! Ita boot bele naok osan no manipula ka falsifika buat tun sae mos ita bo'ot sei la bokur maibe ita bo'ot sei krekas tan deit jadi ngapain tenke halo buat nune'e. Envez menjaga nama baik Lobato ne'e atu morin ba bebeik ehh naok, falsifika no manipula buat hirak nebe laos ita bo'ot ka ita bo'ot nia katuas oan nia kusta. Hau sujere ba ita bo'ot se bele naran apelidu Lobato ne'e hasai tiha deit e tau fali ita bo'ot nia naran Biruik BiNaok Bifals deit tamba hodi nune'e deit mak bele salva naran Lobato ne'e.
Dala ruma lia fuan nebe ema dehan pahlawan jadi penghianat no penghianat jadi pahlawan ne'e bele los mos. Dan ita bo'ot mos bele dicap hanesan ne'e tamba hahalok hanesan deit ka pior liu milisi 1999 se buat sira nebe publika ne'e los duni.
Biasa! ministra ida, iha parte justica nia tan, mas nia katuas oan mak kontrola fali ne halo nusa! Diak liu nia nauk, bosok mak diak k nia katuas oan Americo mak purada nia. Nia katuas oankan la escola bandidu tan. hehehe.......... nasib Sial ya Si lucia Lobato! agora ema hakilar direitu feto nian, nia hakruk fali ba mane! too hali manipulasaun iha tenderizasaun nia laran. sorti uluk la hili nia ba presidenti, hili nia karik ita lahatene! Parte justica laos fo ezemplo diak, mas hatudu fali ezemplo aat ba ministerio seluk.koallia sa lian hanesan manu inan ne'ebe mak kokotek wainhira tolun hotu. Nk
Manu kidun kuandu bo'ok an persis los hanesan Abin Lucia Lobato nia ibun nebe la hatene para. Ba manu nia kidun nebe mak la hatene para ne'e ba hau bele simu maibe kuandu LL koalia mak la hatene para ne'e hamosu perguntas barak kona ba ninia kebenaran ne'e. Tamba nia mak ministra ida nebe ema sempre rona iha fatin-fatin katak koruptor, manipulador, falsifikador no dor dor seluk tan.
Ba ema balun nebe mak halai husi PSD (nebe rahun tiha ona ba kubu rua) diak liu buka gabung deit ona ho Parpol seluk dari pada hamutuk tan ho Lucia sei dor hotu imi.
Ba grupo eis PSD nebe atu hari partidu foun diak liu lalika envolve Lucia iha laran selae Partidu nebe tuir isu dehan atu tau naran PDN (partidu Dezenvolvimento Nacional) sei sai fali PKN (Partidu koruptor Nacional) ka PMN (Partido Manipulador Nacional) ou PFN (Partidu Falsifikador Nacional).
Maibe abin Lucia lalika tauk se alegasaun sira ne'e la los.
Primo rodrigo, hw apoiu tebes ho ita boot nia ideia. Aluta kontinua hodi bele halakon KKN iha ita nia rain. (NK)
cuitado....
iha naokten sempre iha justica...
maibe iha justica mak naukten ne oinsa fali......
hau tauk mak sira iha ministerio justica mesak naokten tuir chefe....
ida mos bele tamba chefe naok bot pasti membros sira naok kiik....
maibe hau hare chefe naok perigo uituan maibe la matenek ida tamba ema sira nebe kon-kalikon ho ministra ne mesak ema ibun taka ladiak deit. maibe cuando ministra hakarak sunu bosok ahi ho media entaun nia lakan mak agora ne bele han fali ministra.
Imi sira iha leten halo comentarios oioin neé. Imi sira neé hanoin katak imi neé se? Imi temi at Xanana nia naran mais lori Xanana mak oras ne Timor Leste bele moris iha hakmatek, resolve casos peticionarios, IDPs, economia, ho sst. Imi sira neé mesak ingratos e mau pagadores deit. Imi hakarak kaer lalais poder entaun imi tenque hein OK. Hein to 2012 neé mak dehan democracia. Se lae parece imi sira neé mak hakarak fahe fali povo atu hamosu fali instabilidade. Timor Leste presiza Xanana. Lori Xanana mak Timor Leste hetan independencia e sei lori Xanana mak Timor Leste bele sai nasaun ida desenvolvido. Laiha Xanana mak crise 2006 neé bele halo rahun Timor Leste tomak e mehi independencia neé bele haluhan tiha completamente. Neé duni quando kolaia tenque sukat ituan no labele koalia hanesan ema sira neébe laiha kakutak ka laiha educasaun liu. Se lae mak Timor sei at tan ba bebeik deit. Se imi hadomi Timor entaun imi tenkque suporta Xanana no para de dizer asneiras.
Que tenham um bom dia!
hahahaaa, ne mak filme ida kariiik, sa hollywood kontraktu kedas journalista sira nee mak nee, diakliu prepara aan ba simu nakfera iha PSD duni, hau nia oan sira mos lakoi aban bainrua istuda katak iha ukun fofoun nasaun nee, ministra sira mesak naokten no koruptor deit, kuitadu nia oan sira kal hare no nonok deit, iha fatin nia inan isin la sae duni, tamba atu la naok mos ladiak, laen hakaaas atu naok, atu naook mos, hanoin sai krekas, mes afinal nia kal se mate idade kiik duni, oiiiiiiiiii keta malandru reja ema atu mateeeeeeeeee mak nee
los ona, parabens mana lucia ita nia naran morin tebes iha PSD no AMP nia naran, morin ho ministra naokteeeeeeen.
Maluk, se iha karik provas kona ba corrupsaun diak liu lori ba PDHJ ka MP deit. Se lae mak imi nia actos sira neé para atu difama deit ema maibe imi laiha provas. Husik AMP halo servisu lori Timor Leste ba desenvolvimento!!! Se imi hakarak kaer governo entaun para de dizer asneiras e hein 2012 OK. Se iha provas, que levam para o tribunal!!!
Força Xanana!
Força AMP!
O Povo de Timor Leste confiam em vós!!
ba Viva Timor-Leste:
Ita bo'ot nia comentariu ne'e halo ema hamanasa fali ita. Horibainhira mak tan deit Xanana Timor bele ukun an?. La'e, Ita ukun an tamba povu Timor-Leste hotu-hotu luta, la'os tamba deit Xanana!!!!. Tanba ne'e mak ita iha estrategia funu ho Frente 3. Timor-Leste mos hetan support makas husi solidariedade international sira e sira mos halo barak ba ita nia frente diplomatica no fo presaun barak ba Indonzia ho nia aleadu sira. Ita tenke hatene katak bainhira vota ba referendum mos la'os Xanana deit maka ba vota e lori Timor nee ba ukun! Katuas ho ferik no katuas sira iha foho ne'ebe uluk fo han ba FALINTIL sira mos la'o do'ok ba fatin votasaun hodi hili ukun mak ohin loron ita to'o iha ne'e.
Xanana kaer governo KKN a'at liu ona ne'e los e ita labele nega!!!!! Tamba nee mak ema barak, inklui media kritika liu hosi sira nia publikasaun hodi hafanun AMP labele halo tan KKN e lori Timor ba susar bo'ot iha futuru.
Agora ita dehan ba ema seluk para hein to'o 2012 mak kaer governo nee los duni!! Maibe, hau fiar katak maluk sira halo comentariu iha leten ne'e la dehan atu hatun ka kaer governo agora kedas maibe sira kritika KKN iha AMP laran. Ne'e normal se ita bolu ita nia nasaun Republica Democratica.
Ironis ita bo'ot dehan ema halo asneiras e la hein to'o 2012 maibe tansa mak uluk ita bo'ot sira mos la hein to'o eleisaun 2007 mak imi kaer governo??. Tansa imi halo aneiras e kria petisionariu sira, hakiak Alfredo, hafahe loromonu-lorosae e halo IDPs barak to'o agora mos seidauk fila ba sira nia uma? Tolong berkaca dulu lah sebelum comentar nanti malah malu-maluin!
Batina Mutin
ouch batina ... komentar yg pedas...
ARTIGO Tempo Semanal Edisaun 2 Novembro 2008 konaba ATRIBUTU TNI BA GUARDA PRIZIONAL TL.
Ba sira nia Blog hodi haree foto artibutu sira nee.
Batina Mutin
*************
http://temposemanaltimor.blogspot.com/2008/11/tempo-sermanal-edisaun-110.html
Sunday, 2 November 2008
Tempo Sermanal Edisaun 110
MJ Legaliza Atributu TNI ba Guarda Prizional TL
Dili, Tempo Semanal
“ami guarda prizional husu ba nai mane no nai feto sira atu tau matan ba fardas nebe suku laiha kualidade, inklui sapatu botas Tentara Nasional Indonesia (TNI), sinturaun Angkatan Bersenjata Republik Indonesia (ABRI), bonia ABRI no laiha emblema”, dehan guarda prizional hamutuk 76 iha sira nia petisaun ba Ministra Justisa (MJ) no ulun boot nasaun TL (TL) nian sira.
Tuir karta lamentasaun husi guarda prizional Timor Leste, nebe didika ba Ministra Justisa Lucia Maria Brandão Lobato no cc ba Prezidente da Republika, Primeiru Ministru, Prezidente Parlamentu, Diretor Geral Ministeriu Justisa, Prezidente Komisaun A&C Parlamentu Nasional, Provedoria dos Direitus Humanus e Justisa, Diretor HAK no Diretor LABEH, iha karta lamentasaun nee, guarda prizional sira kestiona konaba Ministra Justisa ninia inkapasidade atu hadia sistema prizional TL.
“ami guarda prizional TL hasae lian ba nai mane no nai feto nebe kaer ukun no bandu atu lidera, organiza, moviliza no orienta tuir prinsipiu Ukun Rasik-An no dutrina nebe dehan rai seluk sei la ukun tan ita. Laos lori poder hanesan ami, maibe hadia ami nia futuru hodi servi diak liutan detensaun sira iha uma prizaun Becora no Gleno”.
“ami hakarak husu ba nai mane no nai feto, prizaun nee estadu nian ka ema ida nian?, Nusa fardas nakles hotu ona, estatutu laiha, estrutura laiha, ekipamentus ba seguransa laiha, salariu la sufisiente no transporte atu lori dadur sira ba prizaun Becora-Gleno”, dehan guarda przional sira iha karta lamentasaun nebe hatoo ba Ministra Justisa.
Husi karta lamentasaun nee, guarda prizional sira husik hela lia menon hamutuk 23 ba Ministra Justisa atu tau matan ba funsionamentu prizaun nian, inklui tau matan ba profesionalidade diretora balu nian iha sira nia servisu tanba guarda prizional sira lamenta ho liafuan tolok husi diretora prizaun nian ida hasoru guarda prizaun ida nebe Ministra Justisa husu atu transfere ninia knar ba Diresaun Nasional Terras e Propriedade (DNTP) Distritu Aileu.
Razaun guarda Prizionais nain 76 ne’e hasa’e lia ba ukun sira iha nasaun ne’e hodi buka esklarecimentu ba asuntus 23 iha sira nia surat. Hafoin de aprezenta surat protestu ba Ministra Justica, Primeiru Ministru, Prezidenti da Republika Americo Araujo de Jesus ne’ebe asina mos dokumetus ne’eba dehan Protestu ne’e mosu tan ba lalaok kleok lubun ruma hanesan falta de kondisaun ba guarda Prizionais sira, la iha Estatutu ba guarda sira, tarde 8 minutus falta maibe servisu liu oras la iha konsiderasaun, hahalok mal trata ba membru guarda prisionais sira inklui fardamentu ne’ebe suku la ho kualidade, luan liu no guarda sira maka hasai sira nia osan ba muda.
“Ami nia fardamentu ne’ebe agora mai dadauk ne’e ninia kualidade la diak,” Americo Araujo de Jesus ne’ebe servi nu’uadr Guarda Prizaun Bekora ne’e.
“Sasan sira ne’e militar Indonesia ninian.” Tan ba ne’e maka ami tauk karik ami tun ba hasoru ita nia populasaun rasik, nia bele hamri’ik, nia bele estraga fali ninia oan sira ami,… ne’ebe agora dadaun servi hela iha Prizaun TL.”
“Atu sosa sasan hanesan sapatu, boinya no hena sira atu sukut deit kalca ho faru ne’e labele entaun ita tenkiser ba raut sasan sira ne’ebe maka TNI sira tau hela iha sira nia armajen ne’ebe lori mai fob a ninia ema rasik uza nune’e maka kreia konfuzaun bo’ot ida.”
“Nune’e duni to’o ohin loron ami seidauk bele uza sasan sira ne’e no sebele husu ba ulun bo’ot sira iha leten atu troka tiha sasan sira ne’e.”
Guarda Prizionais n’e kompriende katak Timor Leste seidauk bele produz roupa maibe sebele karik sira apela atu uza ne’etik naran nasaun ninian labele uza fali instituisaun rai seluk nian sa tan TNI ne’ebe uluk halo povu barak terus.
“Ami preokupa tebes ho botas, Cinturaun, Boinya, ho Meas ne’ebe marka TNI dala rum abele kunfundi povu ninia hanoin mai ami.”
Guarda sira ne’e apela ba Primeiru Ministru no Prezidenti da Republika atu tau matan netik ba situasaun guarda ninian ne’ebe hetan tratamentu ladun justu husi sira nia superior sira no ejije ba Ministra Justica atu hatur uluk statute guarda prisional ninian.
“Dala barak ona maka Ministra Koalia maibe ami rona maka esbosu lei maka esbosu nafatin deit. Ami lahatene bainhira maka iha lei ida entaun halo fardamentu ne’e naran halo deit hodi lori fali sasan TNI ninian mai ami hatais.”
“Ami husu liu-liu ba Ministra da Justica karik bele senhora ne’e, senhora ministra bele mai esplika; se maka manan tender ne’e ho razaun sa ida maka sosa sasan TNI ninian ne’e lori mai iha prizaun.”
Guarada ne’e apela ba Guvernu atu haree didiak kompainya sira ne’ebe manan tender ho tuir duni klasifikasaun kualidade ne’e diak.
“Instituisaun ne’e hanesan instituisaun nasaun ninian, nune’e maka ami lakohi atu hatun ita nia nasaun nia oin, guvernu nia oin entaun maka ai husu ba guvernu tau matan ba fardas sira ne’e.”
Dadaun ne’e Guarda Prizionais TL la to’o atus rua maibe Fardamentu ne’ebe Ministra de Justica Lucia Lobato autoriadu ona kada item 500 ho total osan US$ 97,500.00. Formulariu komprimisiu do Pagamentus ne’e diferenti ho formulariu sira seluk ne’ebe jornal ne’e hetan husi ministeiru hanesan.
Formulariu komprimisu do pagamentus sira seluk ne’ebe hasai husi Autoriza husi ministra Justica mensiona komprimisu hodi selu item sa ida no temi kompainya ne’ebe atu simu pagamentus ne’e nia naran mak Ministra autoriza maibe ba kazu ida ne’e maske la iha kompainya mos Ministra autoriza la hatene selu los ba se, ne’e Ministra deit maka hatene.
Jornal ne’e la konsege hetan klarifikasaun husi Ministra Justica maske durante de aprezentasaun projektu de lei kodiku penal iha Hotel Timor, Dili, semana rua kotuk jornal ne’e halo ona koko ona. Maibe Ministra Justica nega asesu informasaun ba jornal Tempo semanal hanesan oficiais media Ministeiru Justica rasik hatene, tempu barak maka jornalista jornal ne’e gasta para hein ministra hodi husu perguntas ruma maibe to’o ikus parte media oficer dehan ba jornalista sira husi jornal ne’e katak favor ida ba deit iha fatin ne’ebe ministra Justica vizita ba hodi nune’e bele husu perguntas hanesan kazu door stop iha centru treinamentu judiciaru no hotel Timor. Ministra prontu ona atu fo intervista ba ita bo’ot sira iha Hotel Timor maibe ho oin nervouza no lian nakdedar iha kakorok Ministra rejeita fo intervista ba jornal ne’e tan ba tuir nia haree jornal ne’e la konsidera ministra ninia direitu.
“Ita bo’ot lab…la iha…., “ Ministra koalia ho lian nervouza. “Ha’u iha direitu ka la’e atu la simu ita bo’ot nia perguntas,” Kestiona jornalista ne’ebe seidauk husu Perguntas ruma ne’ebe foin maka temi deit lia fuan Ministra. “Ha’u husu, ha’u iha direitu ga la’e atu rekuza la fo intervista ba ita bo’ot,” Ministra kestiona Jornalista Tempo Semanal ne’ebe grava hela lian no ko media ministra ninian.
Ministra alega jornalista Tempo Semanal viola ona direitus ukun nain ne’e ninian. “Tan ba ita bo’ot mos viola tiha ona ha’u nia direitu antes rona ha’u, purtantu ha’u nia direitu para ha’u sei la fo intervista ba tempo semanal antes situasaun ne’e klaru.”
Reasaun Ministra ninian maka’as hasoru jornal ne’e ninia noticia ne’ebe fo sai SMS ministra Justica ninian ne’ebe hakerek kona ba Projektu Fornecimentu Fardas ba Guarda Prisionais ne’ebe iha formulariu do kuprimisu do pagamentu oin seluk ho realidade no mos tenderizasaun ba moru prizaun Bekora ne’ebe manan husi kompainya belun ne’ebe Ministra Justica sempre husu aijuda.
Maske nune’e jornal ne’e sei halo nafatin esforsu hodi kontaktu ho oficiais media ministeiru ninian atu hetan intervista ho ministra tan ba mosu alegasaun lubun bo’ot mak kontra minitra. (ts)
Pesoalmente hau aseita ho idea belun Viva Timor Leste nebe dehan tuir democratica lolos entaun hein to'o 2012 maibe ho Irmaun nia ideia ida ne'e hau deskonfia ouituan keta belun mos simu persen ruma husi governo nebe halo korupsaun ne'e karik? Hau sente lae. Tuir hau nebe hakarak eleisaun lalais oituan ne'e tamba deit membro governo barak nebe envolve iha kazu korupsaun e hahalok ida ne'e aban bainrua bele estraga futuru nasaun nian tamba osan hirak ne'e sira bele foti hotu antes 2012 e Timor Leste mak sai kiak ba bebeik hodi obriga duni Timor ba tane liman bebeik ba rai estrangeiru iha Timor nebe independencia nia laran.
Ba Xanana nebe tuir iramaun viva Timor Leste nebe dehan katak luta nain ne'e hau mos rekonhese duni katak nia mak lidera funu iha ai-laran e ida ne'e ema hotu rekonhese maibe se Timor agora ne'e laos iha funu laran e presiza ema nebe bele lidera governo ne'e ba halao dezenvolvimento nacianal ba Timor Leste nia futuru. Maibe ita hotu presiza loke matan no loke tilun i hanoin fila fali kampanha nebe mak ita nia lider resistencia katuas Xanana promete katak ema nebe naok 5 cent deit mos atu sai mai to'o agora ita nunka hare buat ne'e realiza. So pergunta ida mak ne'e keta katuas X lori tiha ona Timor Leste ba lalehan karik ne'e mak tuir nia korupsaun iha governo laiha no ema hirak nebe tur iha governo nia laran mesak santo santa deit e hanesan anjo sira iha lalehan (laos hanesan Lucifer).
MATE BIAN SE LATA MATAN BA HAHALOK AT NEBE ALUCIA HO NIA KATUAS OAN HALO DADAUK NE? HATUDU KATA MENTALIDADE AT LIU MALUK SIRA MAK HELA IHA COMARKA BEKORA DILI. TAKA FALTA TUR IHA KARGO GOVERNO MINISTERO JUSTICIA HODI HATOMA'AN NAK POVO NIA OSAN. NEBE,,, SEBELE ALICIA HO NIA KATUAS OAN MAI ITA RAME-RAME BA TIA COMARKA BECORA?
HAKARAK SAI RICU KARIK HAKA'AN HO KOSAR BEN RASIK DEIT,,,,,EEH
NAOK TEN,,,NAK TEN,,,!
Ida viva Timor Leste ne'e bulak ida krk? se moras mental karkik ba iha paradet para halo los lai, ou ketak adat mak lalos krk ba matan dok hodi hadia lai! la' bele halo internet eror hotu. hehehehe................!!!!!!! Topico ema koalia kona ba Ministra Financa Lucia Lobato, nia tama fali ba iha Sr. Xanana. berarti ita boot nia hakarak ne'e hakark futu fali tan Xanana ho povu. Keta otak terorist krk! NK
Ba Viva Timor Leste;
Atu keta moras mental hare ba fase oin tiha, se karik foin hader husi kama, neka...??!
Via Timor ne'e afinal nia tian mak Ministra Lucia naok ten, osan ne nia tia ho tiu naok ne'e balu ba selu nia estudu ne'e mak nia garaganta demais ne. ema temi Ministra Lucia naok ten hasai nia dadus kompletu iha jornal nia ba coment fali oin seluk, nia kala mental mak tergangu ona karik, ema fo opiniaun ne laos kontra Xanana nein AMP maibe kestiona KKN liu-liu Mana LU nauk ten. ema hanesan sr Viva TImor ne diak liu lori ba Rumah sakit Jiwa selae bel estraga Timor.
hau mos ema AMP ida mas la bulak hanesan sr Viva Timor, ema fo hanoin ba maun Xanana laos atu sobu AMP maibe atu hare Ministra Lucia nia hahalok nauk ten ne..
Dany Fritas.
Viva Timor LEste
timor ne laos xanana mesak mak halo funu....ema hotu halo funu ne...
xanana nia familia la terus mesak ba funu ne...
ema barak liu mak lakon ba funu ne'e...maibe xanana mai trai fali rai ida ne...
nia simu dolar tamba nia bele ba sai sidadaun amerika...
nia simu portugues tamba nia bele sai ema portugues...
nia halo rkonsiliasi ho indonesia entaun nia bele sai mos ema indonesia
nia fen australia nia bele sai mos ema australia...
be ita kidun metan iha timor ne sai saida kuando rai ne monu ba kiak nebe nakonu ho debe....ema husi rai hat ne mai salva nia ona...ita mak ta malu to mate.
hehehehehehe..."be ita kidun metan iha timor ne sai saida kuando rai ne monu ba kiak nebe nakonu ho debe....ema husi rai hat ne mai salva nia ona...ita mak ta malu to mate." Los duni bou...heheheh. Sira iha poder no osan mak diak hela deit.
Kuitadu ba Lucia, tan deit tauk ba katuas oan sai tiha naok ten, hei maun ita boot nia ferik oan ne'e ema matenek ida tan sa mak tamba deit osan ita boot bele halo fali hanesan ne'e koitadu ba Lucia.
Sr. Lucia ita boot sei bonita hela, labele tauk karik ita boot nia laen karik atu soe ita, nia laos mane diak ida ba ita boot, buakannya mendukum malah menjatukan gara-gara uang dasarlaki=laki tidak tahu m,alu kasihan, dasar loh
Aduuuhhh.. Se Xanana mesak mak hamriik halo funu hasoru Indonesia ita sei la manan, Maibe ukun aan ne'ebe oras ne ita ganha ne mai husi kontribuisaun husi apoio solidariedade husi nasaun barak iha mundu no Timorenses tomak liu-liu sira ne'ebe kaer kilat ka falintil no sira nebe fakar raan, soe isin hodi husik hela oan kiak no feen faluk nia rezultadu mak ita ukun rasik aan.. Ita mos keta nega apoiu Portuges nian, se laiha Portugal mos ita sei la ukun aan.. Ita hotu labele nega, se Portugal la ajuda Timor oinsa primeiru governu RDTL aprova Lian Portugues hanesan mos lingua ofisial alem husi lian Tetum.. Fila fali ba kolega nebe hateten katak, Xanana deit mak halo funu no liberta rai ne nune keta hatete aat Xanana, nia keta la estuda no nia avo sira kala uluk hela iha Indonesia neba mak la hatene istoria Timor nian.. Ema kritika naokten Lucia Lobato, laos koalia xanana, ita boot nia comment ne hanesan fali labarik 3 classe primaria ne ou keta ita "error" karik..???? Xanana Mesak mak Vota ba Referendu tinan 1999 hodi TL hetan 79, 5 posentu ne ka??? Se karik saudosos seluk mak la mate, sira mos sei kaer ukun iha Timor Ne'e...
Xanana tenke rezolve duni kazu petisionarius no IDP's tamba sira ukun nain mak halo krize laos Povu kiik mak halo... Rezolve krize ne nia dever duni... Se laos sira, se mak atu ba rezolve??? Povu mak atu ba?? Se povu entaun tuun tiha husi sira nia kargu no para simu osan 5000 dolares fulan-fulan atu nune povu mak ba rezolve...
Ohhh.. ita nia comentario kona ba Xanana mak sei halo dezenvolvimentu iha Timor??? Hehehehehe.. Se nia mak halo tamba sa mak nia ukun periodo rua hanesan chefe do governu ou Primeiro Ministru tansa mak nia la kontrola nia membrus sira hodi hadia estrada iha teritoriu??? Tinan2 parlamentu aprova orsamentu boot ba Infraestruturas nusa seidauk iha mudansa no povu liu-liu fila liman sira iha foho neba hakarak lori sira nia produtu mai faan iha kapital maibe, kuitadu, kondisaun estrada mak ladiak... Xanana halo buat hotu la ho planu no halo ho emerjensia deit.. Exemplo mak seremonia 20 de maio de 2012, hadia estrada diresaun Aeroporto ba too Tasi Tolu ba tan diresaun hotel bobot sira ne.. Pois Seremonia boot hotu, selu kompanhia sira ba reabilita fali hanesan uluk... ne maka dhn Raja dari Pembangunan ka??? Lalika Mehi,,,
$$$ GENUINE LOAN WITH LOW INTEREST RATE APPLY $$$
Do you need finance to start up your own business or expand your business, Do you need funds to pay off your debt? We give out loan to interested individuals and company's who are seeking loan with good faith. Are you seriously in need of an urgent loan contact us.
LOAN APPLICATION DETAILS.
First Name:
Last Name:
Date Of Birth:
Address:
Sex:
Phone No:
City:
Zip Code:
State:
Country:
Nationality:
Occupation:
Monthly Income:
Loan Amount:
Loan Duration:
Purpose of the loan:
E-mail address:
Email: shadiraaliuloancompany1@gmail.com
Post a Comment