“Timor oan husu esmola, assesores internasionais raut osan.”
Paul Toohey | 25 Abril, 2009
Artigu husi: The Australian
Ines Alemida servisu fo apoiu imprensa iha Ministeriu das Finansas Timor-Leste nian. Tinan dadaun nee nia sei manan osan bot liu ninia Primeiru Ministru, Xanana Gusmao, neebe iha salariu baziku US$1,000 fula-fulan ho subsidiu US$500.
Sra. Almeida, ho nasionalidade rua entre Australia no Timor-Leste no hela iha Timor-Leste, Banku Mundial hare fali hanesan ema estrangeiru, no sira selu nian husi osan Banku Mundial nian, osan neebe nasaun sira seluk fo hanesan ajuda ba Timor-Leste. Iha tinan 2008-2009 nia manan osan pakote ida ho salariu basiku US$182,400, no hetan US$41.365 ba viagems no osan moris loroloron nian. Total neebe nia hetan mak US$219,765. Bainhira troka ba osan dolar Australia nian, hamutuk sai $300,000. Kevin Rudd (Primeiru Ministru Australia nian) manan deit $330,000.
Jornal Weekend Australia hetan asesu ba kontratu individual ba konsultante etranjeiru sira neebe servisu iha Ministeriu das Finansas. Sra. Almedia nia vensimentu kiik liu asesor barak.
Eis Ministru Negosius Estrangeirus Australia nian, Alexander Downer dehan katak vensimentu consultante sira nee "ofensa boot”, tamba Timor-Leste rain ida neebe kiak liu isa Asia, ninia povu liu 50 persent hetan deit US$1 loron ida.
Rodney Lewis eis kandidatu Partidu Liberal servisu dalaruma iha Timor-Leste no dalaruma iha liur. Tinan nee nia sei manan $341,623 atu servisu ba loron 271 nudar assessor juridico senior iha Ministeriu das Finansas.
Sr. Lewis hetan mos $49,824 atu reimbolsa ninia gastus no ba kontingensia, ho pakote kontratu iha 2008-2009 total $391,447.
Maibe laos Sra. Almeida ka Sr. Lewis mak kestaun importante iha nee. Maibe Banku Mundial, neebe hamutuk ho Ministra das Finansas Timor-Leste nian, mak approva consultarias extraordinariu hirak nee. Sra. Pires mak assina kontratus, depois ba Banku Mundial atu bele hetan aprovasaun ikus liu.
Banku Mundial nia objetivu mak atu fo “assistensia financial no tekniku ba rai neebe iha dezenvolvimentu laran hela iha mundu.”
Sr. Downer dehan katak UN nunca selu osan bot hanesan nee bainhira sira iha Timor-Leste no dadaun mos sira la selu ema nunee.
“Nee moe la iha,” nia dehan. “Osan sira nee husi programas assistensia nian; tamba nee mak osan ba to’o iha fatin neeba. Hau hakfodak tebetebes. Hau hatene salariu hirak nee no hau hatene osan hira mak ONU selu dadaun.
“Atu bele manan US$250,000 tintinan iha ONU, ó tenke iha posto boot liu iha estrutura UN nian. Adjuntu Sekretariu Geral UN nian make bele manan salariu bot liu US$300,000 tintinan. Hau koalia dadaun kona ba xefe departamentu assuntus politikus iha UN, ka xefe missaun manutensaun paz nian ruma, laos ema neebe servisu apoia imprensa ka assesores fianasas nian.”
Sr. Downer dehan katak ONU halo ema barak mak saiu hirus iha prosesu ba independensia bainhira sira nian funsionarius lao ba lao mai iha “kareta mesak diak deit” no toba iha ro luxu. Agora vensimentu assessor sira nian hamosu “eskandalu boot” ida.
“Osan neebe sira selu dadaun nee halo ita mos atu la fiar,” nia dehan. “Osan hanesan nee bot liu osan neebe ministru governu Timor-Leste nian ida manan no ema uitoan deit iha Timor-Leste mak bele manan to’o US$20,000 iha tinan ida nia laran. Buat hanesan nee mak bele hamosu problema ba rain ida neebe iha hela desenvolvimentu. Ida nee mak trsite liu.”
Australiano ida seluk, Graham Daniel, iha kontratu ba fulan sanulu resin rua nudar assessor senior ba gestaun iha Ministra das Finansas. Ba nia servisu iha loron 180 iha tinan 2008-2009 nia laran, sira selu nia US$236,160 no mos US$60,361 atu reimbolsa ninia gastus no kontingensias, lori nia pakote to’o US$296,521.
Bainhira husu ba nia se nia hanoin karik Timor oan sira sei hakfodak ba osan bot neebe nia manan se sira hatene loloos kona ba ida nee, Sr, Daniel dehan: “Sira la presiza hatene kona ba ida nee. Laos hau mak simu osan bot liu iha Timor. Ida nee hanesan ho osan neebe hau manan iha rain seluk. Hau nia kontratu bo’ot maibe iha ema balun neebe manan boot liu hau.”
Governu Australianu nudar nasaun membru Banku Mundial nian kontribui mos osan ba Banku, tuir neebe dalaruma sei la hetan fali reimbolsu. Tuir lolos, sira fo osan boot ba Banku tintinan. Hanesan exemplu ida, ha 2007-08 sira kontribui $388.8 millaun ba Banku Mundial nian Assosiasaun Desenvolvimentu Internacional.
Australia mos dalan ruma fo osan ba Banku Mundial liu husi AusAid. Sira fo $13 millaun ba Timor-Leste iha Programa Harii Kapasidade iha Finansas no Gestaun Publiku nian (PFMCBP). Konsultante sira hetan sira nia osan husi programa ida nee.
Sr. Daniel dehan katak osan nee laos “grant ba Timor” maibe ba projetu. “Timor-Leste labele gasta tuir sira nia hakarak deit. Ida nee kesi iha kontrole makas. Osan neebe hau manan nee laos diferente ho osan neebe assessor seluk neebe servisu iha rain kiak hanesan Timor manan no hau servisu iha nasaun barak ona.”
Governu Timor-Leste dehan katak parlamentu nasional liu husi partidu opozisaun hamoe Sr. Daniel makaas ho alegasaun katak nia trata aat elementus ida iha ministeriu laran. Alegsaun ida nee sei iha prosesu investigasaun hela iha ministeiru nia laran.
“Ida nee persegisaun ida kontra hau tamba iha ema balu neebe korruptu tebtebes,” nia dehan. Nia lakoi fo sai sé mak iha buat nee nia kotuk.
Sidadaun Amerikanu, Francis Ssekandi, assessor senior ida tan iha Ministeriu das Finansas. Ninia pakote salariu iha tinan 2008-09, neebe incluidu salariu no kustu ba viagem, hamutuk sai US$424,427 atu servisu ba loron 272 deit.
"Hau manan US$700 fulan-fulan,” Sra. Pires dehan.
“Hau rasik hanoin katak osan nee (neebe assesores sira manan) boot liu... Assesores balu uluk servisu iha Afganistaun no Irak no hau tenke halo kompetisaun atu lori sira mai iha nee. Ida nee hau labele kontrola; ami kompete ho folin merkadu nian.
“Kontratu ba assesores neebe ami kontrata hala'o liu husi prosesu tender ida neebe rigorozu tebtebes. Prosesu nee hala'o tuir Banku Mundial nia guidelines.
“Husi tempu neebe hau sai ministra (iha 2006), ami hetan (husi FRETILIN nia governu) Ministeriu das Finansas ida ho konfuzaun boot. Tamba assesores hirak nee mak ami konsege harii fila fali sistema ida nee. Ami presiza ema ho skills – i ami espera katak ami sei la presiza sira kleur liu tan.
“Iha nasaun neebe foin sai husi funu, servisu ida nee complikadu tebtebes. Timor oan sira seidauk iha oportunidade ka edukasaun atu halao servisu ida nee. Ami presiza peritus sira. Hau hatene momos katak assistensia teknika mai ho folin ida neebe aas.” Bainhira ami husu ba nia se Timor oan sira simu salariu aas tebetebes hanesan nee, Sra. Pires dehan: “Hau tenta atu esplika dadaun ba sira. Ida nee mak mundu neebe ita moris ba. Ita hotu hakarak halo mudansa iha mundu, maibe hau ema ida realistiku.”
Deputadu FRETILIN nian no mos Vice Presidenti partidu nian Arsenio Bano dehan katak Timor oan sira la simu salariu ida nee. “Timor oan barak liu mak nem hetan $1 loroloron,” nia temi. “50 sen deit mos boot ona ba sira. Balu nem hetan $5 iha fulan ida nia laran.
“Rain nee kiak tebetebes no sira (consultants sira) manan osan bo’ot liu. US$200,000 nee bo’ot liu orsamentu investimentu ba estrada iha distritu Oecussi ba tinan ida nee. Ida nee boot liu fali orsamentu ba refeisaun eskolar ba labarik nain 4,000 iha distritu Ermera.
“Ida nee halo ita hakofodak. Hau hanoin nee hatudu falta de responsabilidade. Osan nee mai husi parseiru desenvolvimentu sira no husi taxa neebe sira nia sidadaun sira selu... Sira lakhi fo assitensia ba ema ida deit atu manan $200,000; sira hakarak fo tulun ba ema millaun ida.”
Nigel Roberts, Banku Mundial nia Director ba Timor-Leste, Nova Guinea no Ilhas Pasifiku nian, dehan nia rekonhese katak assuntu nee importante.
“Hau konkorda katak ita haree ba ida nee la dun konsistente maibe ita tenke haree katak atu hadiak nesesidades nasaun nee nian, agora sei presiza tulun husi liur, tamba Timor oan ho esperiensia no kualifikasaun la dun iha barak.”
Nia dehan katak Timor nominalmente nasaun ida riku tamba mina rai, maibe iha fali “ligasaun lakon tiha entre osan neebe nasaun nee simu no slariu ema nian.”
Nia dehan katak maske Timor nia reseitas husi mina rai sa'e makas, osan sira nee hotu la bele gasta kedas tamba iha lei neebe obriga governu atu tau osan barak liu iha fundu mina rai. Osan nee la gasta ho lalais tuir assesores estrangeiru sira nia hakarak, neebe servisu hela atu desblokea prosesu ida nee.
“Governu harii buat hotu husi zero dezde independensia, no ida nee lori tempu,” Sr. Roberts dehan.
Nia aumenta katak iha tinan kotuk Produsaun Brutu Domestiku sae 12 persent no ida nee hatun ona kiak no nia dehan ida nee mosu tamba assesores sira nee nia servisu.
Sr. Roberts dehan katak salariu hanesan nee normal. “Timor-Leste presiza selu osan boot hanesan nee atu dada ema ho talentu primeira classe nian mai iha nee, neebe tuir hau nia hare sira iha direitu duni no mos presiza, atu hala'o transisaun nee hodi sai husi kiak,” nia dehan.
"Se uza peritus neebe baratu liu sei la tulun rain nee atu desenvolve. Iha mundu idealistiku ida, peritus hanesan nee bele servisu voluntariamente, maibe infelsimente merkadu servisu nian iha mundu tomak la lao hanesan nee, no ema la fo diskontu ba sira nia folin bainhira sira servisu iha fatin ida hanesan Dili ka Moresby ka Honiara.”
Ami la konsegue hetan komentariu husi Presidenti Ramos Horta no Sr. Gusmao horisehik maibe iha Marsu liu ba Presidenti halo observasaun katak “dezde independensia too ohin loron besik $3 billiaun mak gasta ona ba Timor maibe la gasta iha Timor.”
7 comments:
Sr Almeida nee istuda los saida ou curso los saida mak agora nia halo parte hanesan advisor hodi simu $300,000 por anu nee? Tuir nia capacidade nee hau senti iha Australia nia manan $50,000 por anu mos nia sorti boot ona.... Doke selu eman sira nee diak liu selu malae sira be credencial makaas ituan ne lae...
Vida moris kala iha Timor karun duni.........., maibe povo kik oinsa loss..??! 5 cent mos araska atu hetan iha fulan 1 nia laran.
Maluk sira, imi haree took website CNRT nian nebe dehan:
It is Time for Change!
It is time to save the people of East Timor from political, social and economic atrophy. We need a radical transformation in Government:
From a culture of nepotism to a culture of justice
From a culture of servility to a culture of transparency
From a culture of self-service to a culture of social solidarity
From a culture of power to a culture of serving
From a culture of arrogance to a culture of tolerance
From a culture of corruption to a culture of responsibility
NE"E OMONG KOSONG HOTU TAMBA AGORA NAUK TEN (KKN) MAK NAKONU IHA AMP LARAN!!!!
Maluk sira........
Xanana ukun ho AMP iha dalan tolu deit ba oin:
1. Hadia- an laiha KKN investe duni osan ba povo, demiti ka hasai ministros ka deputados AMP sira nebe mak naok 0.15USD, hadia justisa, halo programa ba ema hotu laos dei ba ema AMP, Xanana hatan iha tribunal
2. AMP resigna-an tan imkompentensia lakonsege kontrola gestaun finanseira, husik ministro sira kontinua halo korupsi, korupsi sai merajalela no merakyat.
3. Kontinua kaer ukun to'o ita hotu tama raikuak, ho korupsi buras aumenta, ministros no deputados emprezario balun sai riku matak hodi kontrola maubere oan sira. Halo tusan ba World Bank no IMF
Husi Maubere Foho
Maubere foho:
Se karik ita boot tuir press conference ida ne'ebe governo AMP halo kona-ba salariu ba asesor internasional sira, hau fira ita boot sei hakfodak.
Governo anterior mos selu asesor internasional ho salariu ne'ebe hanesan agora governo atual selu, maibe uza orsamentu estadu nian. AMP selu ho orsamentu husi doador sira nian.
Xanana husu ba ema hotu atu apoin nia idea hodi hari Komisaun Anti Korupsaun atu bele investiga kazu hotu ne'ebe iha indikasaun ba korupsaun. Inklui ba diretor (anterio/atual) ne'ebe derepente halo uma diak ho salario ne'ebe tuir loos labele sufisiente. Fretilin uniku partidu ne'ebe kontra idea harii KAK ne'e, karik iha sentimentu tauk ba KAK karik.
Salario sira ne'ebe asesor internasional simu ne'e bazeia ba iha Paris Declaration, ne'ebe Timor mos tama hotu iha laran nudar membro. Iha declrasaun nee defende merkadu livre nomos direitus ba asesor internasional sira. Se ita Timor oan mk iha kapasaidade atu sai asesor, se ita servisu iha liur mos sei simu salario hanesan ita selu ba ema. Tanba ida ne'e standard, bazeia ba Paris Declaration.
Hein katak ita boot bele kumprende. No ida tan, bainhira hafoin ita ukun an tiha tinan 10 maka sei iha ema nebe hanoin kona ba Autonomia ka Diaspora, entaun ita sira ne'e mesak hanoin badak deit.
Hakuak,
gagita
Comment on Prime Minister’s Statement to the Press on recent allegations of corruption against the Ministry of Finance 12 May 2009
Richard Curtain
Public Policy Consultant
richard@curtain-consulting.net.au
16 May 2009
The Prime Minister’s explanation of the large salaries paid to international advisers in the Ministry of Finance is most revealing about how donor-funded technical assistance works or more accurately does not work. The issue is not corruption but a failure to design the program so that it delivers the results the Government of Timor-Leste wants.
Major failure in program design
The PM’s statement explains in some detail the circumstances but in the end fails to justify in terms of good practice why such high contract fees are paid. The information in the PM’s statement from the full independent review of the Ministry of Finance by the international firm of accountants Deloittes, a report not publicly available as far as I can tell, shows major failures up to 2007 in what the international advisers were asked to do. The lesson the Government should have drawn in designing a new capacity building program was to restructure it so that fees are paid for results.
The contract fees paid to international advisers are excessive because those paying their fees have demanded so little in return. Current arrangements encourage low performance because advisers have a strong interest in making themselves indispensable so their working days are extended.
It is normal practice to pay consultants large fees but this is justified on the basis that the consultant delivers specified outcomes, not just inputs. Consultants with good reputations operate by identifying the problem, offering a solution and agree to be paid when they deliver that solution.
Pay for results
The system of payment for international advisers needs to change from paying people as individuals in the form of employment contracts. Payment should be for one fee-for-service contract to the agency, in this case the World Bank, for managing the project. The service contract should about the delivery of results such as a functioning procurement system, operating to international standards. Payments should be made when specified performance targets are met.
This is the form of contract that these same advisers propose for the delivery of complex services in Timor-Leste such as the national connectivity network. If this type of contract is good enough for the Government to require of other sophisticated service providers in Timor-Leste, it is good enough for its own advisers in the Ministry of Finance.
Donors need to focus on outcomes
The debate over donor-funded payments to international advisers shows the need for an different approach to how aid works in Timor-Leste. An alternative can be called ‘payment for delivery’. This approach proposes that donors pay for each additional improvement made by the aid recipient to achieving an agreed goal. This can apply, for example, to donor funding for increased numbers of children going to and staying in school, or increased access of the rural population to health clinics. Better still, donors could pay for achieved outcomes such as better literacy at each level of schooling, or reduced deaths from childbirth or malaria.
The current way donors operate is to insist on a narrow form of accountability. To minimise the chances for corruption, donors impose an excessive set of controls at each step of the aid delivery process. What is missing is any donor responsibility for the final outcome, as demonstrated by the quote from Deloitte’s independent review of the Public Finance Management Capacity Building Program.
Need to make evaluation results public
The other conclusion for the delivery of aid I draw from the Prime Minister’s statement is the importance of making public all evaluations of aid programs, regardless of their results. This enables lessons to be learned from the successes and the failures. Donors should be required to conduct an impact evaluation of each program they fund. The Government should also ask them to put the details of each program’s proposed evaluation on a public database, stating when it will be completed and giving a date for the public release of the results. Donors cannot expect the Government.
Hau hatoo parabens ba maluk ida nebe husu advisor sira nee estuda saida no hasai kurso saida mak sira manan osan barak hanesan nee. Karik ita boot ema primeiru hau haree husu pergunta ida nee. se karik ita mos estudu ka halo kursu hanesan advisor sira nee entaun ita la presisa importa advisor maibe ita uza proprio Maubere no Buibere rasik. Nee duni inves ita tolok malu, diak liu eskola ka hasai kursu atu nunee sai mata dalan ba dezenvolvementu iha ita nasaun nebe sosa ho ran no ruin Heroi RDTL.
Ita nunka tarde atu aprende ! La muda oin bainhira? Se laos ita Timor oan rasik halo mudansa, se los mak halo mudansa ba ita timor nia moris.
A Luta Continua,
Loron ida Ita sei manan buat nebe ita hakarak !
Post a Comment