Mario Carrascalao ataka governu AMP barak liu, liu-liu kona ba kazu korupsaun iha AMP laran, inklui ninia membru partidu reasik, Sra. Dra. Lucia Lobato. Agora Xanana ho AMP hakarak fo netik kadeira ida ba nia para nia bele nonok.Se Mario aseita sai vise PM no hola parte iha governu, entaun ita bele dehan katak Mario Carrascalao ema ida hakarak buka kadeira duni. Katak oportunista. Tidak mungkin se Mario Carrascalão sai Vice PM depois ataka fali ninia governu rasik, nebe inklui nia an. Maling nunka bolu nia an maling!
Maibe ida ne sei sai interestante ba ita atu hare nia atu dezenvolve oinsa. Mario nia karakter loloos sei prova iha ne, se nia ne ema ida nebe kaer duni ninia liafuan ka nia hakarak mak kadeira deit. Mario bolu governu ne korrupto, maibe agora karik Mario hakarak hola parte iha governu korrupto, depois para nia mos sai korrupto hotu? Kadeira ka prinsipiu?
Se Mario ema ida nebe kaer duni ninia liafuan, nia sei la aseita kargu ne? Ne duni ita bele haree katak AMP nia move ne hare hanesan desespero boot liu.
Hasai hotu ministru nebe korruptu laos opsaun diak ba Xanana. Se Xanana hasai sira, entaun Xanana tesi rasik ninia ain kloor tamba Xanana depende ba aliansa ho ministru sira ne para bele harii AMP. Foin daudauk iha parlamentu Xanana mai admiti publikamente katak ninia ambisaun boot liu ninia kapasidade rasik dala sanulu, katak ninia governu laiha kapasidade atu jere osan nebe boot. Nauk mos osan la hotu hotu nafatin.
Ba Mario Carrascalão, ida ne teste bot ida. Hili dalan honesto hanesan representante povo nian iha parlamento ka hili interesse pessoal atu hetan kadeira? And by the way, se Mario sai duni vice primeiru ministro, pelo menos nia sei halo servisu ida diak liu dok kompara ho Jose Luis Guterres. Ida ne Xanana bele konta ona hanesan suksesu...
No comments:
Post a Comment