Nota iha dokumentu ne:
Afinal embaisador Japones nian iha ona konyesimentu ba kontratu ne liu hosi embaisada Japaun iha Timor-Leste, maibe membru parlamentu sira, representanti povu nian, la konsege hetak kopi ne ida. Parlamentu nebe AMP kontrola dehan deit katak kontratu ne segredu. OK. Segredu ba representanti povu nian maibe laos segredu ba nasaun seluk? Hm...
Depois dokumentu ne hatudu momos katak kontratu atu sosa kareta luxu Toyota Prado sira ne halo wainhira seidauk iha orsamentu ba finalidade ida ne. Ida ne kontra lei!
Tuir fali karta ne dehan ba Ministra das Finansas katak kontratu ne konsulta ona ho bankada sira. Ida ne bosok. Ate agora membru parlamentu sira sidauk hare dokumentu ne liu hosi canais formais (formal channels).
Cronologia ba kontratu sosa kareta luxu ne hatudu katak Vicente Guterres, vice presidente PN, haruka karta ba Emilia Pires, ministra das financas, depois halo kontratu iha 8 Maio 2008. Dokumentu hosi business registration (registo empresa nian) hatudu katak kompanyia ne hatama ninia surat atu hari negociu iha fulan Fevereiru 2008. Depois hetan ninia sertifikat ofisial iha Junho 2008, depois de asina kontratu. Ida ne katak sa? Ne hatudu KKN. Governu hatene tiha ona kontratu ne atu fo ba se maski antis de kompanyia ne existe.
Atu le dokumen tomak, bele save hosi ne: Kontratu PRADO.
Hau sinti ita hotu-hotu lalika ulun moras ho buat nebe mak la relevan. Governu AMP lidera hosi Kairalla Xanana halo KKN makas. Ida ne mak ita tenki tau matan.
No comments:
Post a Comment