Katuas Xanana nia liafuan sira ne'e reprezenta politika antikuadu, politika nebe Katuas Xanana boot hamutuk, politika rejime fascista nian. Katuas Xanana uza F-FDTL ho PNTL atu ameasa demokrasia ho Povo Maubere. Ninia sekretariu de estado, Francisco Guterres (eis membru BRTT iha tempu Indonesia nian no mos hanesan suspeitu iha alegasaun halo asediu sexual tanba nia tenta atu estraga feto ida iha ninia gabinete) mos mosu iha TVTL hamutuk ho Brigadeiro Taur Matan Ruak ho Afonso de Jesus, komandante PNTL. Ida ne hanesan moe boot ida ba Katuas Xanana, hosi lider gerilha nebe respeitadu agora hatudu an hanesan ditadorzeco ida.
Katuas Xanana nia liafuan:
"... atu marxa da pás demora tinan hira, ema ida sei la sai hosi uma tanba pániku. I ha'u dehan fila fali, ha'u la importa naran ne'ebé ema soe mai ha'u. Atu ditadór to'o iha ne'ebé ka, atu saida to'o iha ne'ebé. Ami mak iha ne'e, fó seguransa ba ema tuur hakmatek mak ami nia prioridade, mak ami nia devér, ami nia obrigasaun. Ha'u só la permite katak krize boot liu 2006 mosu. Estadu nia obrigasaun, atu garante seguransa ba povo ida nee tomak.
"Konstituisaun fó direitu ba ema atu halo manifestasaun, mas governu ida ne'e sei haree, sei laiha ema ida book populasaun hodi komunidade sira atu halai arbiru, atu soe sira nia… husik hela sira nia uma hodi ema balu ba na'ok tiha, ba sunu tiha. Ida ne'e ami sei la permite.
"Se buat ruma akontese, la presiza ema balu rezigna an. Ha'u sei kaer ema balu karik. Tanba ha'u iha ne'e atu garante seguransa ba povo tomak. Povo hotu, tuur hakmatek ba! Ne'e be, joven sira, ha'u husu nafatin imi nia partisipasaun. Hodi imi nia partisipasaun mak ohin loron ema bele la'o kalan, labarik sira bele halimar didi'ak ..."
Suharto mos ameasa ona Povo Maubere ho liafuan sira at liu ne, maibe ohin Povo Maubere hamriik iha nasaun independente ida atu hatete ba Suharto katak Povo Maubere maka manan iha luta hasoru ditadura ho tirania!!!
Viva Povo Maubere!!!
Viva Democracia!!!
Viva Timor-Leste livre e independente!!!
2 comments:
keta konfundi falo povo timor ho fali partidu fretilin. Uluk funu ba independecia mos laus fretilin deit mak luta maibe ema hotu hotu. tanba nee mak ita nia boot Xanana hamoris CNRT ne hodi hatama ema hotu hotu ba ita nia luta. laos deit fretilin mak deklara idependente be automatikamente timor tomak fretilin. mesmo que timor tomak fretilin mos povo iha direito para muda nia alliansa. Tamba fretilin nia naran foer povo timor toamk la apoi nia 100%. iar keta haluhan tia ona elecao 2007 karik?
Nee los duni maun! se uluk ita funu lori Fretelin nia naran hau hanoin ita seidauk independencia karik! Nee duni Xanana sai husi Fretelin iha 1980an hodi hamoris Falintil nebe represente povo nia luta, tanba se ita luta lori Fretelin nia naran ita la representa povo tomak maibe partido ida det!! hanesan mos Horta, nia sai husi FRetelin, tanba nia hatene katak se nia kolia iha ONU neba lori Fretelin nia naran mundo sei la reconese ita nia luta, tanba la lori povo nia naran!!!
nee duni CNRT (conselho nasional da resistencia timorenses) mak liberta ita nia povo no manan it nia independencia iha 1999, tanba lori povo nia naran.
Post a Comment