Foin daudauk JAG dehan ema na'ok nia osan hamutuk $17.000 husi ninia kofre iha ninia gabinete. Osan ne'e afinál ninia osan pribadi, osan Xanana Foundation nian. Keta iha loron ida nia fahe osan iha Palacio do Governo ne'e mak nia fahe moos tiha karik? Agora dehan fali osan ne'e lakon?
Maibé insidente na'ok ne'e la'ós primeira ves. Uluk uainhira JAG sei prezidente ninia osan $28.000 lakon. JAG nia staff ida iha ninia gabinete (ida naran Germano) mak "halo lakon" (sani: na'ok). Iha eleisaun 2007 JAG dehan osan ne'e JAG rasik mak entrega filafali ona, maibé na'ok teen ne'e nia husik livre. Hetok bainhira JAG sai PM rejime AMP nian, na'ok teen ne'e mak hetan fali tan proyek ho folin $14.000.000 resin atu sosa foos.
Sé loos mak na'ok $17.000 ne'e husi JAG nia kofre? Sé mak brani na'ok JAG nia osan? Ou osan ne'e eziste duni ka lae? Ema na'ok duni ka lae? Na'ok teen ne'e sé? Iha ne'ebé? Prosesu ne'e hanusá ona? Se JAG nia osan mós ema bele na'ok ho fasil, sa tan ministru sira seluk nia osan? Ka ida ne'e hanesan tátika ida de'it atu dezvia atensaun husi asuntu seluk ne'ebé sériu liu tan?
Maibé se na'ok teen ne'e iha duni, nia lalika preokupa tanba JAG gosta rekoñese na'ok teen sira nia kapasidade. Sé mak na'ok 5 sen, sai! Sé mak na'ok $28.000 hetan prémiu. Sé mak na'ok $5.000.000 nia sai JAG nia belun di'ak. Haree de'it ba Germano da Silva.
4 comments:
Ita bele fo Pperesepsaun oi-oin ba kaju ida ne'e!
1. se lakon, se los mak naok,se mak kaer save, se mak hakbesik liu ba Sr. JAG nia fatin. se lakon duni, hau fiar katak SR,JAG pasti htene! tamba sira servisu hamutuk, Sr. JAG pasti hatene staff sira nia karakteristiku idak idak.
2. Se lalakon entaun hau hanoin katak Tatika ou politika ida ne'ebe mak Sr. JAG halo. ou ema baibain halo, tamba dificuldade ba iha relatorio ne'ebe mak tenki halo ba iha Donator. katak orsamentu ne'ebe mak iha straga ou uza hotu tia ona.
se ida point rua ne'e mak los, entaun Sr. JAG hatudu tia ona Politika ida ne'ebe que Foer, ne'ebe que hatudu dalan ba iha Ministreiu wseluk atu halo Tuir. tamba ida ne'e ita bele dehan katak Korupsaun ida ne'ebe que halus.
Mudah-mudahan Osan ne'e lakon duni, no bele hetan mos ema ne'ebe mak nauk, liu husi investigasaun ne'ebe mak halo dadauk. atu nune'e ita povu bele fiar ba iha ita nia lideranca.
N4k4L1
Hahahahaha...nauk ten iha fatin hotu-hotu
Ne'e los duni, dala ruma sira halo politika mas politika ida ne'e baratu liu, tamba labarik sira mos hatene! Dala ruma Sr. JAG nia osan laiha tiha ona maka kualia haesan ne'e. tamba hori bain hira ke'e mate ruin saudozu Salvador nian iha Lospalos ne'e Sr. JAG kontribui osan kala $ 3.000.000 hanesan ne'e eidauk sel-seluk tan!!!
LU
AVOID rickrubin BLOG!!!!!!!
Post a Comment