Tuir Constituição RDTL (CRDTL), ita nia Prezidente da Repúblika, neste caso Dr. José Manuel Ramos-Horta, wainhira ejerce ninia funsaun, nia labele kaer tan funsaun seuk, muito menos funsaun nebe halo nia sai fali empregadu ba ema ka instituisaun seluk! Ida ne laos deit inkonstitusional maibe halo moe ita nia nasaun, kose ita nia nasaun nia oin tun ba rai.
Ita nia PR servisu ba ema seluk hanesan iklan iha website Claxton Speakers hatudu. Se mak presiza entidade internasional ruma atu fo sermaun ba sira (motivational speaker), sira bele kontak Claxton Speakers, nebe emprega Dr. José Manuel Ramos-Horta, PR RDTL! Dr. Ramos-Horta simu osan hira iha kada diskursu? Ita la hatene. Hetok ita nia PR sirvisu mos ba ema seluk, karik simu osan mak la to'o?
Tanba bat sira hanesan ne mak ita ejiji atu ita nia lider hotu-hotu deklara sira nia an ba publiku kona ba sira nia aktividade privadu, liuliu aktividade sira nebe mak bele bertentangan (iha konflitu) ho sira nia funsaun. Sira servisu tan ba se? Sira kaer empreza hira? Sira iha osan hira iha banku? Sira nia asset sira seluk iha ka lae?
Exemplu diak ida mak agora ita nia ministra da justisa de facto Dra. Lucia Lobato hatudu. Nia ho nia lain iha bisnis. Dra. Lucia fo proyek iha ninia ministeriu ba nia lain. Ita la hatene prosesu fo proyek ba ninia lain ne tuir kriteria nebe justu ka lae. Pergunta sira hanesan ne mak hamosu persepsaun katak dalarma Dra. Lucia uja ninia funsaun hanesan minitra hodi fasilita ninia familia rasik. Ida ne mak Nepotisme, N husi liafuan KKN. Ita buka evita buat sira ne ho lalaok nebe transparente. Dalan ida atu hatudu ita nia kometimentu ba transparensia mak deklarasaun rikusoin nebe ita iha.
Ate agora uniku Francisco Guterres 'Lu Olo', eis kandidatu prezidensial no Prezidente FRETILIN mak halo ona deklarasaun ba ninia rikusoin. Bainhira mak JAG, Ramos-Horta, Ir. Mario V. Carrascalão, ho ministru sira seluk tuir?
E kestaun importante liu, se Dr. Ramos-Horta servisu fali ba ema seluk, karik nia viola ona CRDTL?
(Haree mos iha The Dili Insider)
9 comments:
Belun sira nebe kria blogu ne'e.....Hau lahatene se wainhira ita loke buat ida ba publiku e depois kuntinua ba ema seluk kona ba situasaun iha rai laran.......Nudar ema nebe iha nasionalismu makas ho ispiritu hadomi rai lulik ne'e hau senti kala ita bo'ot sira kria blogu ne'e lao sala dalan ona..........
Iha problema barak mak oras ne'e ita bo'ot sira konsege publika ona e to ikus ita hare debates sira ne'e sai tiha fali fatin insulta ba malu hodi hateten at ema seluk.....Iha ne'e hau laos atu bandu ita bo'ot sira nebe kria blogu ne'e atu halo tuir hau nia hakarak...........Pelomenus ita bo'ot sira halo selesaun ba opiniaun nebe mak tengki publika no nebe mak labele publika. Imajen at ba ita se ita bo'ot sira publika ema nebe mak hakerek ho liafuan hanesan ema nebe la iha edukasaun..........Hau nia sugestaun ne'e atu hakarak dehan deit katak ita tengki hatudu ita nia razaun ou opiniaun hanesan ema nebe iha kapasidade laos mai hakerek tanba deit gosta hakerek hodi tolok ema.
Hau apresenta ida ne'e.....tamba hau fiar katak informasaun kona ba ita nia Presidente nia atividade iha liur sei sai insulta bo'ot ida ba ema nebe mak la gosta hahalok ne'e ho liafuan tolok oin2.
Dalaida tan mai ita hatudu ita nia respeita ba ita nia nai ulun sira ho liafuan nebe mak atu hadia sistema laos atu aumenta tan problema
Harohan deit
Mundu Perdido
jornalista fulan 6 nian nusa maka hatene etiku jornalismu nian???
Sim, Maluk mundu perdido, ita bo'ot nia sugestaun ne'e diak, mas hau'u hanoin blog ida ne'e, laos deit ema edukado mak aksesu mas ema ne'ebe laos edukadu mos hetan aksesu ne'ebe husik deit ba to'o bain hira ema ne'e iha konsiensia maka bele muda nia atetude atu hakerek iha blog ne'e!
LU
ba administrator blog ne....tau ona iha blog dehan katak ema hotu hare ona / ema hotu bele le ona..tanto iha railaran ou maluk sira be hela iha rai liur, hatudu imagem diak ba ema seluk iha railiur...tenke iha nasionalismo, respeita ita nia naiulun sira, hakarak ka lakohi no gosta ka la gosta mos sira ita nia naiulun, ne'be respeita oituan ba...ita mak respeito uluk ita nia naiulun molok ema seluk respeita!
Q
Maluk Q, ita hili nai ulun sira ne para servi ita laos ita atu hahi hanai sira hanesan Maromak. Sa tan lider ida kuandu la tau an iha fatin. Ita hili sira sai nai ulun para sira atu servi deit sira nia an? Ne laos ona nai ulun ka lider. Ne termasuk naokten, bobarten, lohiten. Hornebe mak ita bele fo respeita ba naokten, bobarte ho lohiten sira? Nunka!!!
Hau sinti blog ida ne laos blog murahan. Blog ida ne nakloke ba ema hotu atu halo komen, pro kontra ka neutral. Blog murahan mak ida naran Forum Haksesuk nebe hansan blog AMP nian tamba asesor Xanana nian mak kaer. Iha Forum Haksesuk ne ita labele halo komen tamba sira tauk ita kritik governu AMP. Parabeins ba blog nain maske hau la apoia kontiudu iha blog ne tamba blog ne mak promove duni free speech.
Mugo.
Ba hau nia hare, ne comforme ema idak-idak hato'o nia ekspresaun iha nia laraan. Karik momento nia lee iha buatruma ne'ebe lakona nia laran karik, nemak nia hato'o liu husi blog ida ne'e. Ba irmao Q, itabot hatene ga, se malae sira hatene lee liafuan tetum, malae hare deit blog ne'e mos lafihir ida, hehehheee, neto broo.
PLEASE COMMENT MY BLOG
http://rickrubin-timorleste.blogspot.com/
VIVA TIMOR LESTE.!
AVOID rickrubin BLOG!!!!!!!
Post a Comment