Ir. Mario Viegas Carrascalão tenke deklara ninia beins nebe nia iha. Nia iha osan hira iha banku? Nia kaer empresa ida nebe? Nia iha asset, e.g. rai, folin hira? Karik iha konflitu de interesse ruma? Karik nia uza ninia pozisaun ne para hamate ninia kopetidores sira? Abuza ninia poder?
Deklarasaun sira hanesan ne normal iha nasaun demokratika hotuhotu atu garante transparensia no kometimentu ba knaar ida ne. Ir. Mario bele garante transparensia ne ka lae? Nia iha duni kometimentu atu kombate korupsaun ka lae?
Ir. Mario tenke hatudu uluk ezemplu diak antis nia koalia kona ba korupsaun. Se lae, ne sinal katak nia laiha autoridade moral no kredibilidade atu kaer knaar ida ne. Kombate korupsaun sai hanesan politika baratu hodi lohi povu i ajuda haburas KKN.
Ir. Mario Viegas Carrascalão, prontu ka lae? Ou ita bot hanesan maling teriak maling deit?
15 comments:
Katuas Mario sei la barani deklara nia rikusoins.
Hau hanoin katak problema declaração de bens ka, rai husi Sr Carrascalão susar oituan tamba sira ninia bens oh propriedades sedauk hetan alvará husi ita nia estado. Nia bele declara nina bens ka regista ona iha DTP, maibe sira ida nee hotu karik kaer hamutuk oh famila tomak. Hau concorda katak iha balu nia bele declara hanesa ,osan hira iha banco, empresa ka participasaun nia representa iha joint ventura etc. Hatudu nia vontade oh compromisso ba passo ida nee coragem boot , tamba a partir momento ida nee nia sai figura publica ida que respeitado oh credivel
Deklarasaun ba rikusoin ema ida nian iha kualker tempu ne'e tengki bazea ba lei nebe mak iha. Ida ne'e laos problema boa vontade ba ema ne'e rasik maibe tengkiser iha regulamente ida nebe mak forte atu hateten sai katak wainhira ema ida kaer kargu bo'ot hahu'u husi presidente to Sekretario Estadu tengki deklara ninia rikusoin ba iha ekipa independente ida atu bele hare rikusoin ema ne'e nian.
Realidade iha Timor Leste hatudu mai ita katak deklarasaun ne'e to ohin loron sai tiha deit kampanha politika hodi bele hetan votus atu kaer ukun.
Ita hotu sei hanoin hetan wainhira PM de facto agora ne'e iha momentu neba hakarak deklara sai ninia rikusoin ho ninia kabinete sira iha KM, maibe saida mak akontese? to ohin loron ita nunka atu rona ema hirak ne'e iha saida deit molok atu sai ministru ka fatin sira seluk.
Iha ne'e hau atu dehan deit se agora mak ita hakarak haruka ema ida liu2 bo'ot sira agora ne'e deklara nia rikusoin ne'e hatudu mai ita katak ita duni mak hakarak ema hirak ne'e halo korupsaun. Ninia logika hanoin mak hanesan ne'e, ita hotu hatene katak desde AMP kaer nia ukun problema korupsaun buras iha fatin hotu2 no laiha ema ida mak bele deteta hetan. Iha ministeriu balun ninia ministru ka ministra hahu'u hariku nian derepenti deit. Laos buat foun ba ita se agora ita hare ministru balun nebe uluk kiak seidauk sai ministru agora ne'e nia iha buat hotu hanesan kareta luxu, uma luxu, familia hetan projeitu tun sae e seidauk tan ninia osan iha banku.
Tanne'e laiha baze ida atu ita obriga Mario Carascalao deklara nia rikusoin ba publiku maibe ita hakaraak deit ninia seriedade atu kombate korupsaun ne'e iha duni ka lae?.
Buat nebe mak ita tengki sama atensaun mak oinsa Mario carascalao nia servisu ne'e bele no barani duni atu hatudu liman fuan ba nia maluk rasik husi AMP ka lae? Reaalidade komesa hatudu ona katak grupu AMP husi bloku PD nakdedar ona tamba sira hatene katak sira nia Sekjen nebe oras ne'e kaer pasta Ministru Agrikultura iha evidensia forte halo duni korupsaun. Buat nebe oras ne'e taka ba publiku kona ba kazu korupsaun iha MAF mak kareta ida nebe oras ne'e Ministru ne'e uza ninia folin US$700.000,- (setisentus mil resin). Publiku seidauk hatene mos katak pagamentu ba kareta ne'e oras ne'e sai polemika bot iha ministerio ne'e nia laran. Laos ne'e deit tenderizasaun ba trator hatudu momos katak korupsaun nebe kronik tebes oras ne'e daet hela iha ministerio ne'e nia laran. KM kansela nia orsamentu tuir mai ba ministeriu ne'e tamba deit kazu hirak ne'e.
Nune'e mos korupsaun iha Ministerio Justica, Edukasaun, Tourismo, Obras Publiku...........Ida ne'e mak agora sai servisu bot ba Mario Carascalao.......
Barani ka lae nia aprsenta kazu hirak ne'e ba ministeriu publiku?
Laos atu haruka nia deklara nia rikusoin maibe ita hakarak nia komitmentu atu hatudu ba povu aileba ne;e katak korupsaun iha governu AMP mak hanesan ne'e..........
Ita hein tok
Mundu Perdido
Viva mundu perdidu, Ami suporta ita bo'ot husi kotuk dei'it, mas keta komentariu dei'it karik? Ami hein ita bo'ot brani hatudu oin iha televisaun ka jornal!!
LU
Laos fasil ba Sr. Carrascalao atu halo buat ruma iha AMP nia laran tamba ninia partidu laos partidu nebe pengaruh maka'as iha AMP nia laran. Nia bele iha esforsu to'o iha nebe mos nia iha comment deit maibe nia labele halo buat ida basa nia sei sai husi ninia kargu wainhira nia kontra hasoru ministru/a sira iha governo AMP nebe nudar koruptor. Jadi atu AMP metin nafatin entaun korupsaun sira tenki halalkan ou legaliza atu nune'e AMP labele kona kazu hirak kona ba korupsaun ninian e ema bele konsidera sira katak sira ne'e mesak ema mos. Agora tugas bo'ot ida atu ema bele dehan katak AMP mos husi korupsaun mak sr. Carrascalao tenke deklara katak iha governo AMP nia laran laiha korupsaun.
Maluk Lu,
Timor matenek nain hira ona mak mosu iha media rai laran hodi koalia kona bakorupsaun ne'e rasik? E depois ne'e saida mak ita rona?.......Buat nebe mak ita bele nota katak ema sira iha governu parese dehan katak nia lahetan projetu koalia tun sae ona.......Kestaun laos ida ne'e maibe nia kestaun se wainhira ita mosu ba iha debates ruma ema sira ne'e senti an moe ka lae? Se hau duni mak kaer kargu hanesan menistru sira ne'e balun no to ikus ema dehan hau halo korupsaun..Por de deus hau sei halo karta rejignasaun hodi submete ba prosesu investigasaun....Tamba atu salva nasaun ne'e ita mos tengkiser iha ema nebe barani hatudu nia an katak hau prontu rezigna na iha kualker tempu se iha indikasaun hau halo korupsaun...........Mais ba ita iha Timor Leste, seidauk iha ministru ida mak halo pedidu rezignasaun maske iha indikasaun forte katak nia involve iha halalok korupsaun ne'e...........So la presija hau atu apresenta an iha publiku, maibe hau hakarak deit iha honestidade ema nian atu simu realidade katak hau ema koruptor ida nebe la merese ona atu okupa kargu ne'e...
Boa viagem ba kargu minsitru e bemvindo ba minstru foun.........
adeus
mundu Perdido
Maluk Mundu Perdidu, hau'u hakarak husu ita bo'ot katak Objectivu Fundamentais atu sai Primeiru Ministro, ministrus ka Secretario Estado iha Timor ne'e maka saida? Hau'u hanoin maka atu: 1. Ajuda famiia atu hetan servicu, Ajuda familia atu hetan osan no eskola, atu hetan rikusoins, no hetan puder para hanehan ema, kria interdependente no sst. hodi nune'e ba Timor atu sai ministru ka PM iha hanoin atu resigna an mesmu sira hetan alegasoins bar-barak, tamba bain hira sai husi kargu ida ne'e sira sei lakon buat hotu.
Adeus
LU
blog ne'e iha juizes murahan barak!
los duni...ministru/a ida atu resigna-an tan iha alegoins nebe la iha base legal ida.....alegasoins ne deit la too para obriga ema atu resigna-an....
blog ida ne blog murahan....
Q
Maluk sira liu liu ba maluk ho inisial Q ne'e,............Rezignasaun ba ema ida nian liu2 ministru/a los duni laos deit tamba alegasoins mais tengkiser iha justifikasaun forte hodi hatudu evidensia liu husi tribunal nia desizaun. Iha ideas ida ne'e hau apoio total ba ita...........Maibe alegasoins ne'e buat nebe mosu tamba mai husi razaun ida e ne'e sempre implika ba servisu ne'e rasik. Klaru liu hau atu dehan katak se iha akuzasaun katak iha korupsaun iha ministerio ne'e nia laran no involve direitamente ministru/a ida, tamba sa mak ita tengki hein kleur. hau senti ita bot hare rasik kazu ministra justica nian. durante debates orsamentu iha fulan hirak liu ba iha parlamentu nasional saida mak nia dehan ba deputadu sira?...........SE HAU MAK SAI HAU SEI DADA HOTU DIREITOR NAIN 7 NE'E NO HAU SEI LA INTREGA DOKUMENTUS SERVISU NIAN BA MINISTRU FOUN"......tamba sa mak nia koalia liafuan ne'e.......Iha parte ne'e hau fiar ita hatene nia resposta..........so lalika halo duvidas tun sae tan.
Naok ten ida nungka bele dehan nia an naokten maske iha publiku nia oin nia naok duni.
Se ita bo'ot senti ofendido ho hau nia palavra sira ne'e, ho haraik an hau husu deskulpa bo'ot ba ita
Adeus
Mundu Perdido
Maluk Mundu Perdidu no Inisial Q. argumetasaun husi ita bo'ot nain rua ne'e iha fatin hotu depende ita nia interpretasaun husi areas ida ne'ebe. En termus politika no social maluk mundu perdidu nia argumentasaun ne'e karik iha nia fatin tamba iha alegasoins bar-barak ne'e iha indikasaun forte duni katak ema ne'e halo duni,tamba dala barak iha alegasoins iha indikasaun forte, tamba laiha ema nar-naran alega ema ida bain hira ema ne'e laiha importancia ba alegasoins ne'e! maluk ho inisial Q, hau'u mos hakarak husu ita bo'ot tamba saida maka Ministra LB. maka hetan alegasoins mas maluk Mundu Perdidu no ita bo'ot lahetan alegasoins. siknifika iha duni buat ruma ho nia! Mas hau'u mos hakarak fo opiniaun husi aspektu legal katak alegasoins ne'e seidauk forte atu fo kulpa ba ema ida sem procesa liu husi tribunal, ita labele dehan ema ne'e sala ka los bain hira seidauk iha evidencia forte no seidauk iha sentensa husi Tribunal tan ida ne'e los duni maluk ho inisial Q nia opiniaun mos karik bele iha ninia fatin!
Obrigado Wain.
Lero Uatumissa
Hau konkorda ho maluk sira nia komentar iha leten alende iha ona faktus ka evidensia ruma ka laiha base legal atu PM ka Ministru ida asi kunadu iha indisius algesaun ba korupsaun mais "iha buat hotu nia leten iha Timor ka rai balun iha Asia ne ita seidauk iha Kultura moe ka budaya malu" hanesan iha Japaun iha Japaun kuandu iha alegasaun ruma kona ema ida biar ribunal seidauk desidi nia sala ka lae mais ema ne resigna an tiha ona, kultura ka ambienti ida ne mak susar akontese iah rai ne'e mais hau fiar kuandu iha ema Timor ona ruma nebe asume kargu bot nebe nia hetan alegasaun ruma nia prontu atu resigna mak bele sai hanesan presedente ida dika ba futuru mai.......kargu publiku ruma mak hetan alegsuan ruma rarik bele resigna an...i sai tiha hanesan kultura ida agora seidauk mai keta aban bainru bele karik.....it ahen.....
hau hanoin koalia, no atu buka ema bo'ot nia sala normalmente ita sira ne;ebe mak la okupa pojisaun ruma hanesan ukun nain koalia ne'e fasil los........ Timor Leste maioria ema sira gosta kritika tanba ho intesaun ida atu hetan poder mak makas liu dukue kritika atu hadia, evidensia hatudu ona governu troka ona, iha mudansa troka governu ne'e ita bele dehan katak matenek nain iha Timor koaze hotu-hotu sai ona membru governu, maibe saida mak akontese ba povu??????????
koalia kona ba declara riku soin, hakarak informa deit mak dala barak ona Eng. Mario Carrascalao husu ona dokumentos, maibe to'o ohin loron nia seidauk hetan, tanba ne'e antes atu koalia karik ita tenki mos sukat tetu informasaun mak koalia se lae ema bele dehan ita ASBUN deit??????? perguntas bo'ot nusa mak ita la kestiona declarasaun Riku soin husi Membru governu tomak maibe ita hakarak dada deit ba Eng. Mario Carrascalao, karik iha intensaun ruma karik
PLEASE COMMENT MY BLOG
http://rickrubin-timorleste.blogspot.com/
VIVA TIMOR LESTE.!
AVOID rickrubin BLOG!!!!!!!
Post a Comment