Victor Tavares <victortavares2@ yahoo.com> dehan:
Declaração politica ida nee husi bancada partido Fretilin ka husi deputado Fretilin nian Arsenio Bano?
Hein ema ruma nian explicação...
Victor
Jose Matadalan <matadalan@gmail. com> dehan:
Ola Vitor,
La importante, Arsenio nia titulo ne'e. Importante liu mak substansia Press release ne'e. Hanesan hau hateten tiha iha email kotuk ba katak Renetil tenke koalia netik konaba maun boot Xanana nia atuasaun ida ne'e. Ne'e lalos, tan fali Longuinhos ba Komandante PNTL. Nia failha ona hanesan Prokurador jeral, mos alegasaun barak envolve KKN. Oinsa sai fali komandante PNTL. Diak liu ba hodi tan Hercules husi jakarta hanesan Xefi Prokurament. ..REnetil labele moe atu konfesa katak nia militante ida naran Longuinhos, mafioso duni...sei iha membro Renetil barak mak iha kapasidade no kredibilidade atu sai komandante PNTL no Prokurador Jeral....LAOS LONGUINHOS.. ..
Jose Matadalan.
Abel Pires da Silva <abel_piresds@ yahoo.com> dehan:
Hau lahatene loska lae Longuinos Monteiro ne'e membru Renetil. Maibe ida mak los katak Longinus laiha fans ida iha Renetil nia laran. Kongresso dala hira ona mos nungka hetan nia mosu iha neba...
Maibe substansia husi desizaun PM atu foti Longinus sai nudar Komandante PNTL ne mak "aneh" duni. Longinus "nakonu" ho kontroveri hanesan mos Ministra Justisa.
Agora seluk husi realidade katak Longinus atu sai komandante PNTL, iha mos realidade seluk nebe halo ita laran susar hotu: buat ne'e mak katak Ivo Valenti mak atu sai Prokurador Jeral truka Longinus. Tinan hirak eskola hamutuk ho Ivo iha semarang, sai duni referensia IMPORTANTE katak Ivo LA MERESE atu kaer RESPONSABILIDADE BOOT iha Timor Leste!!!
Ivo Valente ba PGR no Longinus ba Komandante PNTL ne'e, halo Timor mak sei lakon!
Abel
Jose Matadalan <matadalan@gmail.com> dehan:
Ola Bou Abel,
Hau aseita total mente ho Abel. Longuinhos no Ivo Valente la merese tur iha posisaun hanesan porkurador jeral. Konaba Longuinhos ita hatene ona (Naokten, butar ten, lambe ten, no ten sira seluk). Agora konaba Ivo hau hanoin nia laiha kapasidade lideransa atu cefia instituisaun ida ne'e. laos presija Sarjana Hukum mak bele dekora deit pasal per pasal husi lei, maibe mos presisa Prokurador Jeral ida mak iha karakter lideransa no kredibilidade para bele maneja organisasaun ida ne'e. Agora konaba nia background mos, hau aseita ho Abel, problematku liu. Imajina deit, se loron ida prokurador sira kaer kasu konaba 'makar' ka revolta kontra estadu Timor. Depois Ivo Valenti hanesan prokurador halo argumentu katak tersangka ka arguido ne'e halo krimi kontra soberania estadu Timor Leste ka Ivo hateten dehan arguido ne'e laiha nasionalismu ba rai doben Timor-Leste. Imajina deit se arguido/tersangka ne'e bekas militante klas berat Renetil nia ida? Klaru liu hanesan ne'e, loron ida Ivo Valenti hato keisa kasu 'makar' kontra Abel ka Vitor tavares, hateten dehan sira laiha sentidu nasionalismu ba Timor Leste ka sira trai TL nia soberania? OINSA Maluk sira nia hanoin? membru renetil seluk laiha para kaer pasta sira ne'e ka?
Jose Matadalan
Joe ribeiro dehan:
Se laiha ona ema, entaun Eustaqio deit mos diak..hahahhaaaa....
Nia mos membro Renetil ida. Nee hanesan ideia deit...
peace
JB
Carlos da Silva L. F. R. Saky <frsaky@ yahoo.com> dehan:
Companheiros sira, Hau hakarak responde de'it comp. Abel nia duvidas kona ba Longuinhos Renetil hotu ou lae. Longuinhos militante Renetil nian. Uluk sei iha periodo resistencia nian, Longuinhos mos activo hanesan kualker militante Renetil seluk. Nia mos uluk lori sasan barak ba guerrilheiros sira. Dala hela loron to'o semana iha ai-laran foin fila. Karik maluk sira haree foto guerrilheiros sira nian nebe'e taka boina Menwa nian, balu, uluk Longuinhos mak haruka ou lori duni ba sira. Tanba momento ne'e, Longuinhos nudar comandante Menwa nian iha UNDIKNAS.
Depois de ukun an, militante Renetil barak la mosu iha sede. Barak uluk halo parte Governo Fretilin nian mos la mosu iha congresso. Karik ita bele sura, Arsenio ho Odete mak mosu iha congresso depois de ukun an, maibe sira seluk la mosu. La hatene tanba sa sira la mosu. Tempu mak la iha ou ba sira Renetil hanesan folin la iha ona, tanba sira agora halo parte partido ka kaer poder ruma nebe'e boot liu Renetil dok.
Depois de ukun an, barak okupa fatin diak iha Governo laran. Barak halo serbisu diak i barak mos halo serbisu ladun diak hanesan kritika nebe'e baibain mosu iha forum Renetil. Caso rua nebe'e agora sai boot e envolve militante Renetil iha laran mak caso Longuinhos Monteiro ho Lucia Lobato nian. Ita nudar militante ho simpatizante kritika ita nia maluk sira ne'e hodi sira bele hadia sira nia sala. Maibe sira lakohi hadia sira nia sala, ne'e problema sira nian, la'os problema Renetil nian, tanba sira komete erro ka krimi la'os lori funsaun Renetil nian ruma, maibe lori Instituisaun sira nebe'e agora sira serbisu ba.
Ita mos la precisa iha solidariedade ba sira nebe'e envolve iha krimi. Ita so bele solidariu de'it ho ema nebe'e la halo krimi. Krimi husik ba justisa mak tesi. Maibe nudar militante nebe'e uluk terus hamutuk, amizade ho fraternidade la'o nafatin ba oin.
Hako'ak boot ba companheiros sira hotu.
Saky
Maluk sira nia hanoin oinsa? Longuinhos Monteiro pantas sai komandante jeral PNTL nian?
-----------------------------------------------------------------------
Deklarasaun Politika Bankada Parlamentar FRETILIN
Díli, 2 Marco 2009
Husu Sunpensaun ba Nomeasaun Sr Longuinhos Monteiro Nudar Komandante Jeral PNTL no Prokurador Jeral Republika.
Sr Presidente do Parlamento Nasional,
Senhores Distintos Deputados,
Liu husi Deklarasaun Politika Bankada Parlamentar FRETILIN nian, ami hakarak bolu atensaun ita nain tomak iha uma fukun Parlamento Nasional kona ba nomesaun Sr. Longuinhos Monteiro nudar Komandante Jeral Polisia Nasional Timor-Leste nian.
Liu ona fulan rua desde aprovasaun Orsamento Jeral Estado 2009, ita rona dala barak liu husi jornal no media Timor-Leste nian, Senhores AMP nian, deskuti ho malirin no manas kona ba se los mak atu sai Vice-Primeiro Ministro, Secretario de Estado ka Vice- Ministro, ka Komandante Jeral PNTL, no se los mak sai hanesan Prokurador Jeral da Republika.
Ami preukupa no hare katak edukasaun sivika nebe mak halao da-dauk ba povo Timor-Leste, hanesan edukasaun sivika, hadau malu ka fahe kadeira ba malu entre amigos. At liu tan Estado de direito mak ulun bot balun AMP nian hanorin dadauk ba povo Timor-Leste, hanorin ho liafuan balun hateten ba povo dehan' hau se hakat lei ba dala ikus ho nomea Sr Longuinhos Monteiro hanesan Komandante Jeral Polisia Nasional Timor-Leste nian.
Sr Xanana Gusmão liu ona tinan ida kaer knar nudar Primeiro-Ministro de faktu ba rai ida ne'e, no liu tinan ida laran nudar Ministro da Defesa e Seguransa la konsege fihir kuadros polisia nasional ida atu kaer knar nudar Komandante Jeral PNTL nian.
Ikus mai, ita hotu rona katak Primeiro-Ministro de Faktu ne'e hato'o nia hakarak atu nomea Prokurador Jeral da Republika Sr Longuinhos Monteiro nudar Komandante Jeral PNTL nian.
Bankada FRETILIN preukupa ho nomeasaun Sr Longuinhos Monteiro, nebe laos mai ho esperiensia funsaun karreira Polisia Nasional Timor-Leste nian, bele taka dalan ba kuadros PNTL, nebe sira balun hakas an aumenta sira nia kuinesimento hodi loron ruma sai Komandante Jeral PNTL. Nomeasaun ida ne'e hatudu momos katak "fiar Guverno AMP nian ladun iha ba kuadros PNTL nian" no tenta atu politija instituisaun PNTL ho nomea ema sivil ho prosessu nomeasaun politika atu sai nudar Komandante Jeral ba 3000 polisia nasional iha Timor-Leste tomak. Se Sr Longuinhos Monteiro nudar Prokurador Jeral da Republika la konsege maneja Prokuradores 13 iha Ministério Publika desde tinan hirak liu ba hodi defende estado de direito povo Timor-Leste, oinsa ita bele fiar katak nia se iha kapasidade atu maneja 3000 polisia nasional Timor-Leste nian nudar Komandante Jeral PNTL?
Senhor Presidente Parlamento Nasional,
Senhores Deputados,
Sr Longuinhos Monteiro ema Timor nebe mak kaer knar nudar Prokurador Jeral da Republika desde Primeiro Guvernu Konstitusional. Iha nia serbisu nudar Prokurador Jeral da Republika kazus barak mak to'o ohin loron sai kazus pendentes. Dalabarak ita akompanha nia serbisu hanesan halo deit kampanha politika liu husi deklarasaun nebe mak hasai iha media Timor-Leste nian.
Serbisu investigasaun barak sai pendentes no arquivado tan dala barak ita rona deit Sr Longuinhos Monteiro promove an ho halo deklarasaun politika iha media Timor Leste nian duke halao nia knar nudar Prokurador Jeral da Republika hodi defende Estado de Direito povo Timor- Leste nian.
Molok Eis Major Alfredo Reinado sai matebian, Sr Longuinhos Monteiro lahalo investigasaun ba kazu matebian nian, nebe husik hela Kuartel Polisia Militar iha fulan Maio 2006 nia laran, maibe Sr Longunhos Monteiro sai fali servente politik nain Timor-Leste nian, inklui Presidente Republika José Ramos Horta no aktual Primeiro Ministro de Faktu Xanana Gusmão hodi negosia justisa ho Eis Major Alfredo Reinado.
Investigasaun ba kazu matebian Eis Major Alfredo ho nia Grupo inklui kazu alegasaun ba Eis Tenente Gastão Salsina halo assaltu hasoru Primeiro Ministro de Faktu iha Balibar mos lao neneik, lahatudu serteza no nia investigasaun sedauk to'o nia rohan husi Prokurador Jeral Republika sr. Longuinhos Monteiro.
Ami hakarak husu lolos, se nomeasaun ida ne'e hanesan politika selu tusan ba Sr Longuinhos Monteiro husi politik nain AMP nian ho Presidente Republika tamba Sr Longuinhos Monteiro konsege serbi sira, halao negosia justisa ho Eis Major Alfredo Reinado? Ka hasai nia husi Prokurador Jeral atu fasilita kazu Eis Major Alfreido Reinado nian sai arquivado?
Sr Presidente Parlamento Nasional
Senhores Deputados,
Reprejentante Uma Fukun Parlamento Nasional nian tenke preukupa no preukupa liu tan ho nomeasaun Sr Longuinhos Monteiro nian nudar Komandante Jeral PNTL nian, tan kazu alegasaun defamasaun hosoru Sr Longuinhos Monteiro husi Sr Fransisco Akoeleong iha Tribunal.
Iha fulan Janeiro liu ba Sr Longuinhos Monteiro lakonsege prosege kazu defamasaun dala uluk iha tribunal distrito Díli ba alegasaun defamasaun nebe mak Sr Fransisco Akoeleong halo hasoru nia iha tinan hirak liu ba.
Maske Sr. Longuinhos Monteiro karik se halo rakursu ba kazu nee, maibe se kazu defamasaun husi Sr Fransisco Akoeleong hasoru sr Longuinhos Monteiro nebe nia resultadu Tribunal hateten katak Sr Fransisco Akoeleong lahalo defamasaun hasoru nia, to'o ohin loron substansia defamasaun ne'e los kalae ita lahatene tan tribunal rasik sedauk halo investigasaun ba substansia defamasaun nee. Nune'e ita balun bele kontinua halo interprestasaun katak iha indikasaun forte hatudu katak karik Sr Longuinhos Monteiro halo abuzu de poder ho halakon kliente justisa nia osan bele los duni no karik los duni.
Bankada FRETILIN lakoi halo interpretasaun politika naruk ba kazu justisa nebe Sr Longuinhos Monteiro nudar Prokurador Jeral Republika halo dadauk iha Tribunal hasoru sidadaun ruma hanesan Sr Fransisco Akoeleong no nia advogados sira.
Bankada FRETILIN hakarak hateten katak prosesu justisa dala uluk nebe Sr Longuinhos Monteiro lakon iha tribunal distrito Díli hasoru Sr Fransisco Akoeleong nia resultado hatudu katak prosessu ne'e rasik sedauk hotu to'o nia rohan. Se Tribunal Distrito Díli hateten katak Sr Fransisco Akoeleong lahalo defamasaun ba Sr Prokurador Jeral Republika entaun saída mak nia alega katak Sr Longuinhos Monteiro fahe nia osan sira karik los duni, no presija duni prosessu tuir tan hodi konfirma katak Sr Longuinhos Monteiro nudar Prokurador Jeral Republika la foti ka halo lakon osan husi sidadaun ida hanesan Sr. Fransisco Akoeleong.
Ikus liu Bankada FRETILIN hakarak hateten katak prosesu desenvolvimento Estado de Direito ba rai ida ne'e, tengke halo kredibilidade no dignidade.
Ho nune'e Bankada FRETILIN husu suspensaun ba nomeasaun Sr Longuinhos Monteiro hanesan Komandante Jeral PNTL nian to'o prossesu sivil no kriminal ba kazu defamasaun husi Sr. Fransisco Akoeleong hasoru Senhor Longuinhos Monteiro, hakotu lolos iha Tribunal.
Bankada FRETILIN mos husu ba Sr Longuinhos Monteiro atu suspenda an husi nia kargo nudar Prokurador Jeral Republika hodi hases nia an halo interferensia politika ba kazu nebe mak nia an rasik lori tribunal hasoru sidadaun ida hanesan Sr. Fransisco Akoeleong.
Obrigado wain.
Díli, 2 Marco 2009
4 comments:
Maun abut sira nebe hakerek iha leten ne. Nebe Timor Renetil nian deit ka. Tamba sa mak imi lakoalia buat seluk, koalia deit mak renetil ne. Karik uluk ema hotu2 funu nebe atu fo deit ba renetil. Ami sira ailebo ne atu ba fali nebe?
Sira hanoin kala RENETIL deit maka funu ba atu fahe kadera ba malu. MOE LA IHA
xanana nomea longinhos monteiro hanesan estrategia politica nebe halao ho nia homologo ramos horta atu nomea nia eis ferikoan ana pesoa ba troka longinhos nudar prokurador geral da republika ,sira uja estado rdtl hanesan sira nia inan-aman nian,hili ema ba iha pojisaun importante tuir idak-idak nia gosto la hare ba vantagen no desfantagen nebe sei mosu aban bain rua,ema barak mak luta ba timor leste independensia mai boot sira hadau malun fatin no buka colega no familia deit atu hetan pojisaun iha estado.
partido nebe deit iha timor leste ukun hanesan deit la sees husi hadau malu poder no hariko-an deit iha timor lider nasionalismo nebe harak ukun ho transparansia no neutralidade menus tebes.
Ola, AI KURUS
(Timorense bandido e vadio em Portugal)
O SR IVO ROSA esta promove-lo si proprio neste blogo.
Tudo o mundo sabe que IVO ROSAE é o autor da pedofilia na Madeira a pouco tempo.
Arranjou um NAMORADO, sendo esta e' a razao de o insistir em continuar a trabalhar em Timor Leste, mesmo que o contracto caducou no dia 31 de Dezembro 2008. IVO tem muita pena de deixar o NAMORADO que ainda continua a trabalhar hoje em Timor. Pois foi uma pena, porque os dois terminarao a relacao homoxesual, mais em fim, a vida e' assim.
Quando estava a exercer o trabalho como juiz CONTRATADO e PROVISORIO em Timor Leste, desenvolveu uma relação especial com o Dr Mari Alkatiri. Estava sempre com o MARI ALKATIRI ....
Todos os Timorenses incluindo os politicos Timorenses tem o conhecimento de que o Sr IVO ROSA foi o autor da reclamacao do Fundo da Estabilização Económica que o partido FRETILIN se reclamou ao Tribunal de Recurso.
Toda a gente sabe tambem que o Sr IVO ROSA foi o que despois tornou como juiz relator, aproveitando a ausência do Dr Claudio Ximenes, o actual Presidente do Tribunal de Recurso que se encontra doente em Portugal, para decider a sua sobre o que ele próprio relamou (mesmo em nome da FRETILIN)
O Sr Juiz IVO ROSA foi o escritor a decisao do Tribunal da seu próprio recurso "Providencia Cautelar" que ele propro se impugnou ao Tribunal de Recurso. Esta decisão foi feita fora de Timor, ele enviou por meio da internet, e foi deliberada pelos tres juizes Timorenses bonecos (Natercia Gusmao, Jacinta Correia e Antoninho Goncalves).
JA TEMOS TODAS A PROVAS. PODEMOS REVELEAR EM QUALQUER MOMENTO.
Anino
Post a Comment