Foin daudauk JAG ho Ramos Horta halo esforsu desesperado ida atu salva negosiasaun Greater Sunrise no dada pipeline mai Timor-Leste.
Sira nia desespero ne lori sira hodi konvida fali Mari Alkatiri atu lidera negosiasaun ba Tasi Timor.
JAG ho Ramos-Horta rasik maka konvida Mari Alkatiri atu lidera negosiasaun ne.
Iha 2006, JAG, ho "empurrão" uitoan hosi Ramos-Horta, kria instabilidade hodi afasta Mari Alkatiri ho FRETILIN hosi poder.
Grupu ida naran "FRETILIN Mudansa" sai instrumentu ba JAG ho Ramos-Horta hodi fahe FRETILIN, nune'e hamonu Timor-Leste lalais ba instabilidade.
Iha kampanhe kontra FRETILIN, JAG ho FRETILIN Mudansa halo kampanha maka'as kontra Mari Alkatiri hodi akuza katak Alkatiri forma "esquadrão da morte" ida atu elimina FRETILIN nia opozisaun politika. Akuzasaun sira ne nunka hetan prova ruma, tribunal mos rejeita akuzasaun ne.
FRETILIN Mudansa sai komponente ka bloku bot ida iha JAG nia partidu foun, naran CNRT. Iha eleisaun iha 2007, maski JAG lori ninia imajen nudar lider istoriku i karismatiku, no mos FRETILIN nia naran (hosi Mudansa sira), partidu CNRT la konsege hetan fiar sufisiente hosi povu. Maibe liu hosi aliansa entre JAG ho Ramos-Horta, nebe manan prezidensia iha eleisaun prezidensial, kahur tan ho jogada politika foer ituan, sira konsege interpreta tiha Constituisaun atu foti JAG sai primeiru ministru.
Tensaun entre CNRT ho FRETILIN kontinua. Partidu rua ne halo akuzasaun ba malu. CNRT, liu hosi aliansa ida naran AMP, hetan monopoliu ba buat hotu-hotu iha Timor-Leste, inklui Fundo de Petroleu ho negosiasaun mina rai.
Negosiasaun mina rai, liu-liu ihia buat nebe relasiona ho dada pipeline mai Timor-Leste maka sai hanesan JAG nia trunfu bot atu hatudu ba povu katak nia bele halo direferensa. Se JAG la konsege hetan pipeline ne, ida ne sai falhansu bot nebe nia. Maibe ikus mai, iha indikasaun hotu-hotu atu hatudu katak JAG ho ninia ekipa laiha kapasidade atu jere negosiasaun ne. Korrupsaun ho nepotismo nebe AMP pratika (e.g. ministra Lucia Lobato nia la'en manan kredit $3 juta hosi governu; Germano da Silva, vice presidente CNRT manan kontratu $14 juta hosi governu) dala barak halo Timor-Leste nia pozisaun sai fraku iha negosiasaun. Tan ne, agora JAG dada Mari Alkatiri para hamrik iha oin. Se Alkatiri falha dada pipeline, ida ne sei sai Alkatiri nia kulpa, JAG sei fasi liman.
Maibe desizaun hosi JAG, presidente no fundador partidu CNRT, hetan kritikas makas mai hosi Aderito Hugo da Costa, hosi bloku FRETILIN Mudansa.
Aderito Hugo da Costa hasai deklarasaun lori partidu CNRT nia naran hodi trata at medida nebe JAG rasik foti. Ikus mai JAG koalia hodi defende ninia asaun.
Se los mak manda iha CNRT? JAG ka FRETILIN Mudansa?
JAG ka Aderito Hugo da Costa?
Ita hein hodi haree...
16 comments:
kuitadu ida oan be tebe rai hakilar iha leten dehan Alkatiri tabele AMP nia kidun, kacian deh, ita boot ne'e mak keta ulun mirin oituan ona karik ou tamba hetan mos persen husi AMP ka karik ita boot Nia apa ou Ama ruma Ministru Naukten iha AMP ruma tamba ne'e mak ita boot tebe rai la metin hodi defende AMP, hau laos Fretilin i nein AMP hau ema bai-bain hau so hakarak hateten deit durante AMP nia ukun tuir hau beik nia hare los duni ita nia ferik katuas sira hetan ona osan maibe ne'e na'an ida karik ruin deit, isin mauhu sira ne'ebe tabele iha Abo Xanana mak han hotu ona termasuk ida oan be iha leten hakilar la hotu ne'e karik tamba Apa ou Ama ou familia ruma iha AMP naukten nia laran hodi nauk povu nia osan
hei ba fiar fali Aderito mau fak boot ne'e, ohin loron sa nia ladiak an los iha PN mas uluk iha kongresu Fretilin nia mos hili Alkatiri ho Luolo, maibe komu nia hare Fretilin atu la ukun ona entaun halai ba tabele iha Xanana hodi fo tiha fatin iha PN fila hakarak kontra fali xanana nia idea, e deputadu beik ten se o matenek liu nusa o la ba Ministru ka PM ba o ni aliafuan vale asu kaer Timor Post deit lahun la dikin hopdi halai tiha ba politiku hakark halo an deputadu ida faak los ne'e mak Aderito
Lucia ne'e uluk sei deputada nnia mak hakilar los dehan governu Fretilin nakonu ho KKN maibe hare tok wainhira nia Ministra tiha penyakit ne'ebe nia hakilar ba Fretilin kona fali nia liu dala sanolu, hau lalika koalia barak kaju lucia nia ne'e fo sai barak ona iha Jornai sira e hau harak mos sita balu hanesan hadi Komarka Bekora halo ho singel Source nia lain nia kolega mak Kaer, hola fardamentus mos hanesan fo kartea ba nia laen uja hanesan sira nia kusta los, fo tan osan 3juta dolar Amerika ba nia laen hodi sosa maina atu fornese ba governu sa ministra ida mak ne'e feto moe la iha naukten ona mas masih mengogong hakark atu lori fali jornalista sira ba tribunal ne'ebe hakerek kona ba nia nauk ten ne'e. hare deit nia oin hanesan ona ema nauk ten nia oin.
oinsa mak ita atu kombate korupsaun se ema hanesan Lucia nafatin tahan iha Ministra Justisa ne'e mak AMP ukun to 10 tahun jurang pemisdahan antara si miskin dan si kaya sei dook malu liu. Xanana ne'e uluk ema diak tebe maibe ukun an tiha beik fali tau hamutuk fali ema naok ten sira ba iha governu hodi naok povu nia osan, hau fiar maun xanana la naok osan hakark povyu ne'e diak maibe ida be'e oin kanten osan sira iha karik ne'e mak hau tauk se Xanana pertahan kan sira to'o 2017 Timor nia osan FEE sei hotu ba ema sira ne'e tamba ita hare deit orsa ne'e sira la respeita ona Lei. i ita boot sira mos hatene ba tinan oin gaji Ministra no ministru sei sae dua kali lipat bayangkan povu sei kiak hare tok Ministru ida simu 3000 dolar polu loron ida nein hetan 10 cen ne'e mak bolu atu halakon kiak ita hein
husi Adany
PARABENS BA TATOLI NIA PUBLIKA LISTAS PRIMEIRO GOVERNO TIMOR LESTE IHA TINAN 1975
HAU HARE NARAN SIRA NEBE TATOLI PUBLIKA NEE KAPAS TAMBA HELA BA HISTORIA TIMOR LESTE E BA GERASAUN
HO RESPEITO HUSU BA MAUN ALIN SIRA BALUN HOSI LORO SAE: LOSPALOS,VIKEKE NO BAUKAU KATAK: IMI LA BELE MEHI OU HAMNASA HO ORGULHO KATAK LORO MONU OAN SIRA LA HALO FUNU..AGORA HARE TOK NARAN SIRA TATOLI PUBLIKA NEE LA IHA DUVIDA KATAK "MAIOR PARTE LIDER" SIRA NEE HOSI LOROMONU/LORO MONU OAN DEIT...OBRIGADO E HUSU BA IMI LOROSAE OAN BALUN LALIKA ORGULHO KA HAMNASA DEMAIS..MALAE NIA LIAN DEHAN: EMA SE MAK HAMNASA IKUS NIA SEMPRE HAMNASA DIAK LIU.
EMA SE MAK KALMA E PACIENSIA NIA MAK TERUS ULUK OU HATENE BARAK LIU
PROCESSO FUNU....SE MAUN ALIN BALUN HOSI LORO SAE SEI HO MEHI/MENTAL KATAK LORO MONU SIRA LA HALO FUNU...LORO MONU SEI BA KAER/DUNI HOTU IMI BA TAU IHA ILHA JACO HO ESTATUTO LAOS ONA DESLOKADO MAI BEE REFUGIADO.
KROAT LOROMONU
Baihira ita koalia at hodi hatudu liman ba ema maibe laiha faktus nebe sufsiente, loron-ruma malisan sei kona fali ita ke sei sai pior liu tan.Agora hare rasik ba komesa kona dadauk ona ka lae...hein deit ona atu buti botaun...pois mak hare!
se o nia matan at ou tilun diuk mak la hare e rona krise social nebe alastra tamba lia fuan lorosae e loromonu...e o mos reforsa katak malisan dunik ka lae??? mai be la buat ida tamba AMP/xanana sei resolve e barak resolve ona iha tinan ida nia laran
se imi fretilin maputo/radikal sei iha tan plano aat ho kodigo BUTI BOTAUN (hanesan o hateten)ami hein para ita selebra hamutuk festa ran nakfakar nee...ami dehan imi mak hili dalan rua nee: ita koalia deit iha mesa leten ou ita resolve ho forsa...buat rua nee iha imi nia liman laran e ami hein
viva timor leste
viva AMP/xanana
hafuhu-dili
AMP atu hili sr. mari alkatiri mak sei komanda halo negosi ho australia sobre mina rai e gas...
agora ita la rona tan ona plano marcha da paz.....
bele halo marcha da paz mas se mosu krisi ruma imi sei ba hasoru mak UN,PNTL,FDTL E SE PRESISA TAN FORSA PARA FO ORDEN IHA TIMOR LESTE NARAN LOKE IBUN DEIT EMA BELE DISPONIBILIZA 10MIL HOMENS BEM EKIPADO PRONTO COMBATE E FO ESTABILIDADE.
VIVA AMP
agora fretilin maputu sira hakas maun xanana atu respeita tribunal de recurso....mas fretilin maputo/radikal mak divia hakerek lai ba tribunal de rekurso se presidente Ramos horta hili AMP/xanana nee tuir constituição ga lae??? para imi fretilin radikal sira rona rasik tribunal de recurso nia desijaun para labele lao tun sae koalia hanesan eme bulak ok!!
imi fretilin maputo/radikal se hakarak hare maun xanana nia entrevista (vidio) favor tama deit ba FORUM HAKSESUK....afinal buat diak ida maun xanana loke sai mak dehan nune: XANANA MAK SALVA FRETILIN, SE LAE KALA FRETILIN ORAS NEE MATE E DODOK TIHA ONA
VIVA AMP/XANANA
VIVA TIMOR LESTE
Hafuhu
ami simu tiha ona naran membros "radikais" FORUM ACADEMICO FRETILIN COIMBRA: Francisco guterres (bauckau),antonio monteiro (lospalos),vital de araujo (dili)e helio guterres (baukau)....sira nain hira nee balun la hela iha coimbra ona, balun atu hotu ona e balun sei kontinua ba grau estudo bot.
foin daudauk komitiva xanana mai
iha membro balun hosi FAFC mos iha lisboa tuir sorumutuk ho komunidade timor iha lisboa
FAFC mak plano atu tun ba halo barulho bot iha xanana mai lisboa nee, mas sorti liu ba sira...
ami sei tau matan metin basira hotu principal mak RADIKAL sira ami hatene.ami sei hare sira hosi portugal to timor sira nia hahalok
rama metan
ita bot rama metan hatene katak Antonio Monterio radikal fretilin hosi lospalos. ami rona nia mak agora responsabel ba Forum academico fretilin coimbra e sr.antonio monterio nia ema isin krekas (tuir informação)nia kakutak hakarak oho deit mak lider sira nebe mak la os fretilin....ami mos sei hein nia se nia to iha timor
fg
Rama Metan, Hafuhu, fg, ... sira nain tolu ne mak activista-intelectual AMP nian, nebe Xanana depende atu lori AMP-CNRT ba futuru atu ukun Timor-Leste.
Hau laran taridu ba futuru Timor-Leste nian....
Kuitadu Timor-Leste.
Parabens ba TATOLI...
nafatin fo sai informasaun atu los ou lalos nafatin publika. se bele Tatoli sai web ida ke indepedent no labele tabele ba blogger tamba blogger bele blok tiha blog ne'e.
Obrigado mos ba Imeem gravasaun telefone maun abut sira nian. foin permeiraves hau rona.
abraco, kontinua publika 9dade TL nian.
Bombastick99
Hau koalia hola dalan klaran deit, hau la inklina ba partidu ida, uluk Fretilin nia ukun mos hau kritika buat balu, agora AMP sae fali hau kritika buat balu nebe laloos...keta hatudu fali hau nu'udar Fretilin Mauputu tanba hau rasik la'os Fretilin mauputu mak fo sustenta...o que certo se maka apoio forte feio loos AMP ne ema Koruptor nebe sei kanten hakarak atu korup nafatin, seidauk lee Fin Riski Nilsen nia liafuan katak korupsaun boot tebes iha regiaun Asia?
Ba hau, sese maka ukun hanesan deit naran katak ho espiritu ida atu dezenvolve povo no nasaun, livre hosi korupsaun, livre hosi familiarizmu, respeita lei principalmente decizaun tribunal nian, respeita demokrasia no establidade etc.
dehan fali fo opsaun rua atu rezolve, ida maka rezolve iha meja, no ida tan maka hakarak fakar ran...entaun ita boot halo uluk violensia ba mak sei iha instituisaun balu atu responde, hau pessoal, hau anti! hakarak atu fo komentariu ho ameas hanesan ne tenki hatudu an para ema koinhese hanesan ami, labele ameasa subar-2deit hanesan ne.
maluk sira ...hau atu hateten deit...lalika fiar yg namanya UN....tamba sira ne hanoin deit projeito...hau uluk servico iha UNDP e hau hatene saida mak sira halo....sira sempre hakarak timor ne laiha estabilidade para sira bele hela kleur tan iha timor e goza sira nia vida...se imi la fiar imi bele husu ba imi nia familia balun nebe ke servico iha UN.....Sr. Fin, koalia e la aceita ho governo nia palno apara atu resolve deslocado sira nia problema...e nia hkrk deslocado hela iha tenda durante tinan 10....., ita ne mak beik...malae sira halo ita sai sira nia projeto..., setiap kali sira halo proposta ida ba nasaun donor sira ne..ho kuantidade milion dollar mas saida mak sira halo ona iha timor???????? osan sira ne so para selu sira nia colega 'ADVISOR E INTERNATIONAL STAFF" fulan ida bele manan to 15-20 ribu dollar,,,maibe halo servico ida ke ita mos bele halo.....jadi lalika rona tan malae sira..., diak liu ita moris mesak.........
mamuk
HAu hakfodak no triste tanba maluk ida iha leten ameasa fali dehan atu halo funu ne, maun ne kaer kilat ka keta liman mamuk hanesan hotu ami. Dalaruma ema nebe subar-an hodiameasa hanesan ne ema taukten no kidun solur ida karik, keta halo kilat tarutu mai nia mak halai uluk karik....
Koitadu Aderito, karik o ema matenek nusa mak labele remata o nia estudo iha UNTIM. Ita ne'e mak hatene malu sa, lalika husu tan ba Josep Riwo Kahu!? Uluk ne'e ita mak hamutuk, fofoun o mai husi o nia rain Same ne'e o hanesan los Asu Krekas ne'ebe kalsa laran mos lahatais agora loron-kalan hatais kazaku deit o haluha tiha ona tempu uluk ne'e. Sorti be o tabele ba Maun Bot Xanana mak haree hetan netik o tamba o hatene katak Maun Bot poir liu o. Karik o join ho intelektual sira karik sira sei haruka fali o ba Sai Bupati iha Weberek,tamba pozisaun ida ne'e mak pas ba o.
Post a Comment