Preokupa bainhira mak edisaun Jornal da Republica ikus liu sai? Hein deit. Maibe karik Jornal da Republica ne koalia kona ba salario deputadu sira nian, nebe sei hasae ba $2500 kada fulan, ida ne sai kedan, laiha problema.
Ida ne mak fahi naokten sira iha Parlamento Nacional hakarak han-matak. Sira fo prezente Natal ba sira nia an rasik ho beneficios oioin to'o US$950 ba kada fulan. Tau hamutuk deputadu ida-ida agora simu $3450 kada fulan.
Maibe laos mak ne deit. Deputadu sira sei hetan mos beneficios ne hosi 1 de Janeiro 2008. Nune deputado sira sei hetan prezente bot ida: osan $11400 iha sira nia konta iha ba salario fulan oin nian. Ba deputadu sira nebe koalia iha PN hanesan lekirauk hakilar malu iha ailaran fuik Salele neba, asyik!!!
Horiseik JAG fo prezente natal ba povu Maubere Ai-Lebo sira ho osan $80 iha Palacio do Governo nia oin. Maibe hosi kotuk, JAG fo PRADO/PAJERO, Macintosh, $3500 fulan-fulan, $11400 beneficios, viajen ba liur, perdiem ho festa Natal iha Palacio do Governo ba ninia kroni sira iha PN.
Enkuantu Povo Maubere Ai-Lebo sira sae malu iha Palacio do Governo nia oin atu hadau lerek $80 ne, deputadu sira bele hein prezente ne iha sira nia conta bancario wainhira sira tur iha Discovery Inn hemu champagne atu sura prezente Natal.
Feliz Natal Timor-Leste.
No comments:
Post a Comment