Ligasaun entre Alfredo Reinado ho Presidente da Republica, Dr. Jose Ramos Horta
- Alfredo Reinado nia advogado Benevides Correia – membro Conselho de Estado, nomeado hosi Presidente Ramos Horta.
- Alfredo Reinado ninia advogado ida fali mak Paulo Remedios, assessor juridicu ba Presidednte Ramos Horta
- Alfredo Reinado ninia tio, Victor Alves, membro Conselho de Estado nomeado hosi Presidente Ramos Horta mos. Victor Alves hetan perdaun hosi Presidente Jose Alexandre ba kazu oho ema iha tinan 2000 no serve prisaun tinan 2 deit.
Buat sira ne hotu tan deit problema particular ho Mari Alkatiri. Tan deit hakarak kadeira. Tan deit hakarak sai Secretario Geral das ONU. Ema lubuk mak mate. Destruisaun barak.
Bainhira mak Sr. Presidente Ramos Horta ba hatan iha tribunal? Tamba ne mak Sr. Horta lakohi Alfredo Reinado ba hatan iha tribunal?
1 comment:
Howard simu responsabilidade ba kampanha Partido Liberal nian, maibe nia nunka husu deskulpa ba transisaun falhada ba lideransa foun. De facto iha ninia declarasaun seluk nia dehan fali povo australiano komete erro boot ida hodi elege Kevin Rudd ba PM! Comentario sira iha Australia hatete karik Howard entrega ona lideransa ba ema seluk, iha posibilidade atu patido Liberal la lakon hanesan ohin loron. Howard la'os ema ida gosta husu desculpa. Tuir lolos nia husu desculpa ba populasaun indigena iha Australia maibe tamba ninia orgulho, nia nunca husu. Kevin Rudd sae ho sae nia halo kedan komitmentu atu husu disculpa ba aborigina sira.
Felismente ba Howard, nia laiha politiku barato sira nebe tenta convense militar para halo golpe de estado!!! Nia laihia oponente politico sira nebe aproveita oportunidade hodi kria violensia atu hatun governu. Maske Howard mos halo discurso demagogico no divisionista hanesan ita nia lider balu-balu halo (X2: Xavier ho Xanana).
Maski nune, karik iha Australia mak procurador geral ida iha fali relasaun ho suspeito criminal ida, no mos discute fali buat ruma nebe conspiratorio, altamente politico, spionagem, etc., pode ser que PG ne laos lakon deit niania servisu, nia mos bele hetan tan investigasaun criminal. Iha Timor procurador geral rasik maka atu investiga fali caso ida ne!!! Iha Timor, presidente ate tenta dezvia fali atensaun hosi caso serio ne hodi dun matak tun sae!
Conflito de interesse
Hare deit ba Horta nia ligasaun ho Alfredo Reinado, suspeito criminal nebe tribunal hasai ona mandato de captura. Se mak Horta nomeia ba Conselho de Estado? Alfredo nia advogado ho Alfredo nia tiun!
Depois hare ba composisaun governo foun ne, ema nain hira maka empresarios? Ema nain hira mak iha familia mesak empresarios deit? Joe Goncalves ho Gil Alves mesak empresario deit. Joe Goncalves nia fe'en Kathleen Goncalves mos empresaria, presidente Timor-Leste Business Forum. Kathleen tama sai nia lain nia gabinete arbiru deit conforme nia hakarak hodi ba discute BUSINESS!!! Lucia Lobato nia lain mos empresario no tama hotu iha tender iha ministerio da justisa nian.
Agora iha fali kazu fahe fos. Se mak hetan tender atu hatama fos iha Timor? Gil Alves nia amigo empresario hosi China!!! Tan ne mak AMP defende los programa ida ne tamba bele fo kontratu ba sira nia amigo sira!!!
Mak ne lai tamba tempo laiha ona.
Post a Comment