Libertada A Patria, F@#$mos O Povo?

* T A T O L I *

Iha Felix de Jesus nia Blog ho enderesu http://ermera.blogspot.com/ no naran "Libertada A Patria - Libertemos O Povo", Felix esplika tansá maka primeiru ministru de facto Jose Alexandre Gusmao halo diskursu hodi elogia Suharto no ba asiste mos ex-ditador no korruptu pior liu sekulu 20 ne'e nia funeral. Felix ataka Mari Alkatiri, ex-primeiru ministru nia deklarasaun kontra Jose Alexandre nia insistensia atu asiste funeral Suharto nian, hodi dehan pozisaun ne'e hipokrita.

La'os buat-foun ida bainhira ita haree katak Felix nia Blog ne'e naran "Libertada A Patria – Libertemos O Povo." Ida ne'e moto partidu CNRT nian, ne'ebe lidera hosi Jose Alexandre Gusmao, ka JAG. Felix, nune'e mos Antonio Ramos, halo Blog hodi defende buat ne'ebe maka JAG ho ninia partidu CNRT halo. Defende CNRT halo loos ka halo sala, ida ne'e laos asuntu ba diskusaun tanba ida ne'e ida-idak nia direitu. Ba Felix ho Antonio Ramos, ida ne'e sira nia direitu politiku.

Maibe bainhira Felix defende JAG nia insistensia, no indiretamente atu tenta suaviza, minimiza no mitiga (to'o pontu ida atu legimiza tan) fali krime ne'ebe maka Suharto halo iha Indonesia no Timor-Leste, ida ne'e merese resposta hosi ita hotu. Molok komesa ho resposta ida ne'e, importante atu realsa katak resposta ida ne'e la'os atu ataka Felix nia pozisaun, maibe atu fo deit leitura ida diferente no hamosu diskusaun saudavel no positivu entre ema hotu-hotu.

Uluk nana'in ita lalika hatete fali iha forum ida ne'e kona-ba krime ne'ebe maka Suharto komete. Maibe talves ita presiza fo-hanoin ba malu fali karik, tanba dalaruma ho imajen ne'ebe mosu iha RCTI, TVRI, ANtv, Indosiar, Metro TV, SCTV, TPI, Trans TV ho sst., ne'ebe Suharto nia kroni sira maka kontrola, hatudu imajen Suharto ida hanesan ema heroi no mos ema bondoso. Maibe realidade hatudu oinseluk.

Suharto asume poder iha 1965 liu hosi golpe violentu ida. Durante golpe ne'e Suharto elimina ema besik tokon ida (1.000.000) tuir estimativa konservativa. Estimativa sira seluk hosi organisasaun direitos humanos nian tau numeru ne'e iha tokon 2 (2.000.000). Ema sira ne'e Suharto oho iha tinan ida nia laran. Hafoin Suharto kontinua ho oho ninia oposisaun politiku durante tempu nebe nia iha poder. Iha tempu ne demokrasia iha Indonesia la esiste, laiha liberdade de imprensa. Suharto tau Indonesia iha rejime totalitaria ida ho kontrolu total liu hosi ninia aparatus hanesan militar ho intelijen.

Buat seluk nebe halo Suharto diferente ho ditador sira seluk – Suharto pior ditador iha sekulu 20 – maka Suharto nia asensia ba poder ne'e laos mosu tanba ambisaun poder politiku deit, katak nia hakarak uza forsa atu halo diferensa ba nasaun, kakta nia laiha interese privadu. Suharto nia asensia ba poder mosu liu hosi ambisaun atu hetan kontrole ekonomika ho finansas. Suharto sai ema ida riku liu iha mundu tanba osan ne'ebe nia naok hosi povu Indonesia no lori Povu Indonesia nia naran. Suharto nia asset ema estima kuaze 30.000.000.000 dolar amerikanu. Ohin loron Indonesia iha tusan boot tanba osa nebe maka Suharto lori povu Indonesia nia naran hodi buka dehan atu halo "pembangunan". Maibe Suharto ho niniia kroni sira hatama hotu osan sira ne ba sira nia bolsu. Se Suharto ho ninia familia hakarak duni perdaun hosi Povu Indonesia, nia tenke prova ida ne. Suharto fo fila fali osa sira nebe nia naok hosi povu Indonesia hodi taka fali tusan nebe oras ne povu Indonesia iha. Talves bainra Mbak Tutut husu perdaun ba Povu, Mbak Tutut fo fila deit asset 10.000.000.000 nebe agora iha ninia poder atu ajuda povu Indonesia. Talves Presidente Horta bele koalia mos ba Mbak Tutut atu halo ida ne bainhira Presidente Horta husu Povo Timor-Leste perdua Suharto. Ka uluk Suharto moris iha lalehan bainhira nia moris ho kusta povu tokon ba tokon nia vida, ohin Suharto mate ita hakarak husu atu Suharto tur iha Lalehan nafatin iha mundu seluk?

Agora ita koalia Timor-Leste! Ida ne'e buat barak liu atu ita koalia, maibe nato'on deit atu dehan katak ema 200.000 nebe mate tanba Suharto nia ambisaun sei haklalak bainhira ita tenta atu koalia buat diak ruma kona ba Suharto. Karik Adolf Hitler maka mate, ema Judeu ho mundu tomak sei haklalak bainhira Shimon Perez ho Ehud Olmert ba ninia funeral. Ohin loron Timor-oan mos sei haklalak hodi rona Xanana ba Suharto nia funeral lori nasaun nia naran. Lae! Labele! Suharto komete genocidio iha Timor-Leste no mos iha Indonesia hanesan Adolf Hitler halo ba Judeu sira iha German. Ba ema nebe maka la hatene diferensa entre genocidio ho krime sira seluk kontra humanidade, bele ba Google deit. Tan ne'e maka bainhira ita tenta minimiza no mitiga krime ne'ebe maka Suharto halo, mundu tomak tenki haklalak.

Loos duni. Tuir ser humano ita mos hakarak hatudu ita nia simpatia bainhira ema seluk monu ba susar. Maibe ema sira ne se? Povo Indonesia? Lae. Familia ho kroni Suharto nian? Sim. Simpatiza ho familia ho kroni Suharto nian nebe maka oho ema tokon ba tokon no naok osan tokon ba tokon? Mak lae duni!

Los duni. Timor-Leste tenki mantein ligasaun diak ho Indonesia, ne duni tenki ba netik dictador ne nia funeral. Maibe atu halo buat ne mos tenke "jaga perasaan" ema seluk nian, liliu vitima sira – iha Timor-Leste, iha Indonesia, iha West Papua ho iha Aceh. Talves JAG laiha ona sentimentu ser humano nian? Nia hakuak Prabowo. Nia hakuak Wiranto. Dehan Suharto dezenvolve Indonesia. Ida ne hipocrisia ida bot liu ona. Dezenvolvimento saida maka Suharto lori ba Indonesia? Desenvolvimento nebe Suharto ho ninia kroni sira maka riku ba beibeik hosi kusta povo Indonesia ho meio ambiente Indonesia nian? Ho kusta Timor oan nian rihun atus rua resin?

Agora ita tenta defende atitude ida hanesan ne? Atu defende deit ita nia idola sira ne, ita haluhan tiha ita nia an? Ita haluhan tiha ita nia historia? Ita hakuak Wiranto, Prabowo ho Eurico maibe ita haruka Jose Simples hosi Bobonaro ba kadeia to tinan 10 tamba nia uluk membru milisia? Se nia krime maka bot liu? Jose Simples ka Eurico? Prabowo ho Wiranto ka Suharto?

Suharto bele mate ba inferno maibe justisa ba ema nebe maka sai vitima ba ninia halo-halok tenke defende nafatin. JAG ho Horta nia atitude atu mitiga, minimiza no suaviza krime barbariku nebe maka Suharto ho ninia kroni komete iha Indonesia ho Timor-Leste, ida ne merese kondenasaun total hosi ema hotuhotu nebe iha desensia no konsiensia!!!

Libertada a patria, libertamos o povo? Parese mais libertada a patria, fo##mos o povo!!!

TATOLI

Terça-Feira, 29 de Janeiro de 2008

Antigo ditador indonésio foi ontem a enterrar, numa cerimónia cheia de apoiantes. No entanto, o destaque foi a presença de Xanana, muito criticada por Mari Alkatiri

Dezenas de milhares de indonésios assistiram, ontem, ao funeral de estado do antigo ditador Suharto, louvando o aliado dos EUA na Guerra Fria e responsável por centenas de milhares de mortes de oposicionistas e independentistas. Suharto morreu no domingo, após 23 dias de internamento hospitalar. Tinha 86 anos e era considerado o mais corrupto dos ditadores, tendo amealhado em bancos no estrangeiro uma fortuna avaliada entre 10 a 20 mil milhões de euros.
Entre os representantes estrangeiros presentes encontrava-se o primeiro-ministro de Timor--Leste, Xanana Gusmão, ele próprio prisioneiro nas cadeias da ditadura de Suharto, que, em 1975, ordenou a ocupação da antiga colónia portuguesa, durante a qual foram mortos cerca de 250 mil timorenses.
A presença do antigo líder dos guerrilheiros da Ilha do Crocodilo foi muito criticada por Mari Alkatiri, líder da Fretilin. "Eu não iria nunca ao funeral" do ex-presidente indonésio, declarou Alkatiri, que considerou "uma hipocrisia completa" a atitude de Xanana. "Na nossa cultura, os mortos devem ser respeitados mas Xanana Gusmão nunca poderia ter ido a título pessoal", acrescentou.
"A ida de Xanana Gusmão ao funeral, num avião da polícia indonésia, foi um passo dado em falso, impensado, e cujo preço político será pago nas próximas eleições", concluiu o líder da oposição timorense.
Recorde-se que, num comunicado oficial, Agio Pereira tinha anunciado a presença de Xanana nas cerimónias fúnebres, como um sinal de que Timor quer "esquecer o passado e encarar as futuras relações entre os dois países de uma maneira positiva".