Eskuta telefonika? Que escuta telefonica?
Ba FRETILIN hanesan partidu opozisaun, ba organizasaun sosiedade sivil neebe hakarak justisa, transparensia ho accountability, kazu nee labele husik liu. Maske Presidente JRH ho ninia maluk sira hakarark buka proteje malu hodi buka kambing-hitam, grupu sira nee iha dever atu buka lia-loos. Nunka iha rai ida, rai demokratika ida maka Procurador Geral ba koalia subar fali hodi konspira ho ema suspeitu, liuliu ihia kazu konaba seguransa nasional. Hanusa maka PGR bele investiga suspeitu se sira nain rua koalia ba malu hanesan kolega intimu? Ida nee laos CONFLICT OF INTEREST? Se sira nain rua hatudu katak sira iha oponente hanesan? Nee duni tenke demite PGR no prosesa nia iha tribunal.
Oras nee iha deit akuzasaun hosi Antonio Ramos, Vitor Tavares ho Sr. Dr. Ramos-Horta kona-ba eskuta telefonika hosi TT iha gravasaun nee. Laiha evidensia too oras nee katak TT halo eskuta telefonika ka autoridade ruma ho asesu halo eskuta telefonika. Maibe, iha duni intensaun atu dezvia atensaun hosi konspirasaun ida, neebe seriou no hanesan eskandal boot ida. Iha intensaun atu dezvia tanba elite politiku ho sira nia kroni sira buka taka-malu no buka proteje malu . Iha kualker rai ida bainhira Procurador Geral maka iha fali konversa ho suspeitu ida, liuliu konversa fali kona-ba kazu neebe PGR kaer hela, suspeitu hetan rekomendasaun hosi Komisaun Investigasaun Internasional Independente atu sujeita nia ba investigasaun kriminal, nee problema seriu maluk sira. Nee hatudu katak justisa serve fali boot sira nia interese. Ita lalika buka dezvia problema nee. Ita la presiza tenta taka fali ema seluk nia matan. Ne la hetan boy! Konversa nee hatudu momoos katak PGR Longuinhos Monteiro, Agio Pereira ho Leandro Isaac futu-lia hamutuk. Sira lia ida deit. Se nunee, hanusa maka PGR bele halao ninia servisu ho independensia? Nia servisu ba se? Gravasaun nee hatudu evidensia katak PGR laos independente, nia halo servisu ema seluk nian. Nia laos servi interese justisa nian, maibe servi interese ema seluk nian. Ida nee maka problema boot. Agora AMP maka maioria iha parlamentu, JRH prezidednte, JAG maka PM, sira nee maka hamutuk iha konspirasaun tinan kotuk nian, ohin sira tenta dezvia tiha atensaun. Ne la hetan boy!!!
TT halo gravasaun?
Iha evidensia ruma TT maka halo gravasaun nee? Se TT la grava karik, eskandalu nee ita haluhan tiha? Katak PGR bele konspira hamutuk ho suspeitu? Agora Presidente Ramos-Horta mos buka dezvia fali atensaun ba gravasaun nee. Presidente JRH iha buat ruma atu subar karik? Povu husu tansa maka PGR, Chefe Gabinete Presidente nian ho suspeitu ida halo konspirasaun. Povu husu se PGR halo servisu ba justisa ka halo servisu ba ema privadu. Povu husu PGR nia ligasaun ho individuu sira envolve iha krize nee hanusa? Povu husu Presidente atu demite PGR no prosesa nia iha tribunal. Laos se maka halo gravasaun nee.
Gravasaun nee ema ida bele. Agio Pereira bele halo. Leandro Isaac bele halo. Longuinhos Monteiro bele halo. Agora ita buka proteje ema sira nee hodi mengkambing-hitamkan TT?
Presidente da Republica, Sr. Dr. Jose Ramos-Horta, ita boot iha buat ruma atu subar? Ita boot subar saida? Presidente JRH seidauk hatene loloos TT grava ka lae, Presidente JRH buka halo foer uluk TT nia naran? Ida nee ema bolu defamasaun. Presidente JRH iha moe uitoan ka lae?
Presidente Sr. Dr. Jose Ramos-Horta, Ita-boot proteje se? Subar saida? Hakarak sai Secretario Geral das Nacoes Unidas iha tinan 5 mai nee, labele sakrifika nasaun.
2 comments:
Los duni maun ka'a alin hakerek iha leten ne'e. Iha rai nebe maka PGR la halo nia serbiso tuir lolos justisa, rona tuir lambe fali governo nia k...?
Halo nusa maka TLS lao ba oin, povo moris iha paz ho liberdade no justica se nai ulun sira iha pratica lao halo tuir ka lao justisa? Halo nusa maka governo lahalo cria comissaun ida halo investigasaun ba'a ministra de justisa nia caso ho jornalista Jose Belo?
Iha rai democracia, ema governo nian halo sala ka suspeita katak nia halo sasan ruma lalos, governo tenki halo investigasuan, buka hatene se lia ne'e sala ka los. Maka sala karik ema nebe vitima ida nia direito 100% hatama caso ne'e tribunal atu hamos nia naran. Maluk sira ukun nain sira lahalo serbisu lalos, hurin sira iha jornal, ka iha media nusa deit atu TLS moris iha progreso, justica, liu liu liberdade buat murak nebe iha hotu luta iha tinan quase tolunulu nia laran hasoru ema kolinialista sira
hah! para desvia deit atensaun, ne sa ita nia bot sira nia keahlian mak ne. naran katak sira hakarak alcanca sira nia objectivo, buat hot-hotu sira halo. agora para hatene fali povo nia necessidades ida ne sira la hatene halo hanusa. tamba n mak diak liu naok deit para povo tebe sira karik sira rico tihaona. bastaser.......
maria
Post a Comment