 |
| Mini merkadu iha Tutuala, tinan ida ona laiha ema uza! |
Hari mini merkadu nebe la funsiona fo konsekuensia at ba nasaun. Primeiru mak osan nebe gasta saugati deit hanesan fali Timor-Leste ne nasaun riku bot ho osan. Sorti ita nian, ita iha netik rendimentu husi mina rai iha tasi laran. Se laiha karik, oras ne ita sai nasaun ida ho divida bot. Maibe ita nia mina rai ne laos suli rohan laek. Loron ida ita nia mina rai sei hotu. Kuandu loron ne to'o, saida mak sei akontese? Ita sei kiak nafatin maibe claro, ema sira nebe hetan benefisiu husi JAG ho AMP nia servisu ne mak sei sai riku matak.
Imagina deit, merkadu ne ida halo ho osan hira? Imajina governu fo $20.000 ba hari mini merkadu ida iha kadak sub-distritu. Maibe ida kaer proyek ne hatama hotu $15.000 ba bolsu. Iha Timor laran iha sub distritu 64. Se ita halo kalkulu didiak ita hare katak Timor tomak lakon osan $1.280.000 dolares americanos. $960.000 tama hotu ba kroni sira nia bolsu ho $320.000 lakon hotu ho mini merkadu sira ne tamba ema ida la uza. Osa barak tebtebes!
Iha Dili laran deit ita bele hare kedas osan hira mak tama hotu ba raikuak sein lori benefisiu ruma ba komunidade. Iha areia Metiaut nian uma be ministru de facto Joe Goncalves halo dehan atu fan ikan, ikus ne bibi ho fahi halo fali ba sira nia fatin hasoru malu.
 |
| Merkadu fan ikan iha Metiaut. Abandonado. |
 |
| Merkadu Taibessi. Abandonadu. |
Saida tan mak ita bele koalia kona ba governu nebe JAG lidera? Governu inkompetente, laiha planu, laiha vizaun maibe iha deit mak ambisaun atu hariku sira nia an ho sira nia klientes. "Tinan infrastrutura" sai fali ba tinan korrupsaun.
Ikus ne JAG foin komesa rekonhese ninia inkompetensia maibe nia fo sala nia an. Nia dun fali ba ninia ministru sira mak naok osan husi estadu. Maibe JAG la brani hasai ninia ministru naok ten sira ne tamba ministru sira ne naok ho JAG nia bensaun. Se ministru sira ne tama Hotel Becora, karik JAG mos tenki tuir hotu nudar ema kriminal.
Maibe iha tinan 2012 Povu sei fo julgamentu ba JAG ho ninia kroni sira. Uma sira nebe JAG hari tenke rehabilita fali hodi fo benefisiu ba Povu. Nasaun RDTL tomak tenki hetan rehabilitasaun hodi hamos nia an husi KKN nia abut nebe JAG kuda halo buras.
Ita hein...
5 comments:
Fatin sira nee abandonado laos tanba governu nia inkompetensia maibe tanba timoroan sira nia ulun toos hakarak halo tuir ida idak nia hakaran.
Maske governu harii tiha ona fatin faan ikan maibe peskador sira hakarak deit faan tuir sira nia hakarak iha estrada ninin arbiru deit e halo Dili sai foer no dois para mate iha fatin balu.
Ita haree iha qualker nasaun nebe dezenvolvidu, ema tuir regras e ita nunka haree peskador sira faan ikan iha estrada ninin.
Sira iha fatin proprio ba faan ikan.
Maibe Timoroan barak sei kaer hela mentalidade terseiru mundu nian (dunia ketiga) hodi halo arbiru deit tuir sira nia hakarak.
Entaun keta fo sala ba governu nebe hakas aan harii kondisaun/fasilidade sira nee ba povu atu uza. Kuando laiha fasilidade povu dehan governu la tau matan. Kuando governu tau matan harii buat sira nee lekirauk sira nee lakohi uza husik abandonadu hela deit.
Lolos tenke fo sala ba ema sira ulun toos/ mentalidade dunia ketiga nebe hakarak tuir deit sira nia hakarak hodi halo Dili-Timor sai sidade nasaun ida dunia ketiga emvez de hakas an para foti ita nia rai tuir regra no ordem.
STL,"BAUCAU-Vendedores ikan iha Kota Baru, Distritu Baucau husu governu atu hadia fatin faan ikan nian tamba oras ne’e vendedores sira faan deit iha aimahon nebe la dun sufsiente no fatin la dun diak waihira iha tempu loron manas. “Ami husu ba governu atu tau matan baa mi vendedores ikan no hari fatin baa mi tamba oras ne’e faan fatin baa mi ladun favorese ba ami atu faan ikan ba komonidade sira nebe hola ami nia ikan,”hatete Vendedor Antonio Soares, ba STL Foin lalais ne’e iha Baucau."
Haree Baaaaaaa! Maibe vendedor sira iha metiaut gosta liu mak fan iha aimahon ohos. Fatin faan ikan iha tiha ona maibe sira lakohi uza.
Entaun diak liu fokit tiha deit fatin iha metiaut lori ba Baucau tanba vendedor sira iha Dili la apresia no la merese duni fasilidade nee.
CUBA Komunista duni paaaa..
Imi hare tok ba, vidio be kandidatas medikas sira timor oan nebe ba estuda iha CUBA, afinal Uluk primeiro governo timor leste (FRETILIN) haruka sira ba estuda ka ba Loke HUIN iha CUBA / HABANA,,
afinal dasar partdio Komunista Fretilin, haruka Timor Oan besik rihun ida, Laos ba estuda mas ba aprende kultura komunismu , hodi neneik mai implementa iha timor Leste..
Provado ona, hare ba iha vidio dansa iha cuba nee !
Maluk sira, keta hili tan Fretilin tamba, se fretilin Manan, sira sei haruka tan jovens timor oan ba estuda iha CUBA, Korea Norte, Mocambique, china, depois fila mai timor sira sei implemnta matenek iha HET malu deit..Laos atu implementa matenek ba povu kiak ne !
Hatun lalais Komunista sira, hatun lalais partidu Fretilin ho idiologia komunista..
husi
Movimentu joventude anti komunista
Antes halo konstrusaun ba mini mercado ne tenke halo uluk lai estudu ida hodi hatene karakteristica vendedor sira nian, halo survey ba fatin se serve atu sustenta mercado ida ka lae, tenki hare ba movimentasaun trafiku, tenki estuda se fatin ne iha acesibiliade diak ka lae, tenki hare vendedor hira mak fatin ne be akumula, tenki tau fasilidade hanesan be, sanitasaun, foer fatin, etc, etc,...... laos ba hare rai mamuk ida monta ona mercado. Ida ne so AMP lasan beik naok ten koruptor sira mak halo planeamentu ida hanesan het fali sira nia kidung kuak ne. Tamba ne mak merkadu sira ne ema ida la uja. Bibi ho fahi mos hare mini mercado ne la serve ba buat ida! Abraços.
Los duni. Tenke haree fatin nebe vendedor sira gosta liu. Se vendedor gosta fan iha jardin publik nia laran hanesan agora daudaun mos la buat ida, monta deit ba sa.
Timor nee toman ona ho mentalitas dunia ketiga nebe lolos governu halo deit ona ba tuir ida idak nia hakarak.
lalika hanoin tan buka halo Dili sai hanesan sidade modernu nebe buat hotu iha nia fatin proprio. LAE, halo tuir deit ema nia vontade ba.
Dili sidade foer ita buka halo moos manan saida? Ema turista sira mos gosta liu hare sidade sira foer.
Runguranga liu tan mak diak liu tan sa. Turista sei barak liu tan mai vizita ita nia rain.
Governu AMP nee beikten ba prokupa fali organiza sidade Dili didiak. Preokupa ho ida nee manan saida? Timor toman ona hakiak karau fahi bibi iha sidade kapital laran, faan ikan dois iha estrada prinsipal ibun.
Husik runguranga deit ona ba sa
Post a Comment