14 Marsu 2011
Ne'e mak realidade husi kondisaun fasilidade iskola iha ita nia rain agora, esemplu hirak ne'e mai husi Suai, la signifika katak iha distritu seluk kondisaun nune'e laiha. Foto 1-2: SD ida iha Suku Matai, alunu ensinu primaria sira simu aprendiziazen iha sala ida molik, besik estrada ibun. Wainhira motor, mikrolet, ka kamaneta ruma liu, profesora tenki para lai.
Foto 3,4,5,6: Maske ho kbi'it laek (vulnerabel) mestre sira iha SD ida iha Suku Kasabauk, lakohi lakon haoin, sira lakohi sira nia alunu fila ba uma 'dader nakukun' deit. Tan sala aprendiziazen iha gedung iskola tuan la sufisienti/limitadu liu, entaun estudante primeiru no segunda klasi sira tenki ba hala aprendiziazen iha, gedung mini market id, ne'ebe hari'i kleur tiha ona mas la uza. Mestre sira hari'i deit pagar husi ai (pra animal labele tama), no fahe deit mini market ne'e ho bebak, sai hanean sala aprendiziazen, and keep going the show hanesan iha foto, alunu sira estuda ho laran ksolok.
Foto 7,8,9,10,11: Ne'e gedung SD ida iha Suku Lalawa, Tilomar. Gedung iskola nia kakuluk naksobu tan anin bot iha akhir Febreiru liu ba, no kondisaun parede iskola mos trajiku liu. Alunu sira halao aprendeziazen, balu iha ai hun iskola oin, balu fahe ba komunidade nia uma-uma. Ikus mai Xefe Suku husu inan aman sira voluntariumente, sosi osan $1 kada uma ida hodi hari'i dadauk gedung sangat sederhana, husi ai, no kakuluk tali tahan deit, atu nune'e bele aguenta netik prosesu aprendiziazen ba alunu sira. Esforsu makas duni, ohin dader (9.00 AM, 14 March 2011) alunu sira hahu estuda iha uma swadaya foun ne'e.
Espiritu iha fatin tolu ne'e mak esemplu "local wisdom", ne'ebe hatu'ur interese futuru Timor nian iha leten as liu interese komunal sira seluk. Inan-aman sira iha suku Lalawa, laran ksolok tebes, sira hanoin, karik hein deit ema nia tulun, hanesan mos hamate fini loron aban nian.
Ksolok wa'in.
No comments:
Post a Comment