Foin daudauk iha Liquiçá, elementu F-FDTL sira hemu tua lanu, depois lori fali sira nia kilat hodi halo problema. Bainhira polísia to'o ba atu kontrola situasaun, sira uza fali sira nia kilat hodi tiru hasoru polísia.
Ita husu: ohin loron ameasa husi Tentara Nasional Indonesia (TNI) laiha ona, ita tenke reseiu fali ameasa husi ita nia F-FDTL rasik?
Ne'e aprezenta perigu ida ba istória glorioza FALINTIL nian, ne'ebé iha tinan 24 entrega sira nia an ba defeza ita nia direitu atu harii nasaun independente ida. Ohin loron FALINTIL iha perigu atu halakon hotu sira nia istória ne'e tanba indisiplina iha organizasaun ne'e.
F-FDTL, ne'ebé nu'udár kontinuasaun FALINTIL nian, tenke hola asaun firme atu mantein disiplina iha organizasaun nia laran tuir disiplina ne'ebé sira adopta durante tinan 24 iha rezisténsia armada. Elementu sira ne'ebé indisiplinadu tenke hetan sansaun ne'ebé firme. Sira ne'ebé komete indisiplina boot hanesan mau fehuk sira halo daudauk iha Liquiçá ne'e tenke hasai tiha sira husi F-FDTL permanentemente, depois hatama sira iha tribunál sivíl se karik sira viola lei ruma husi sira nia asaun Sira ne'ebé uza F-FDTL nia naran hodi ameasa populasaun, demite husi organizasaun. Komandante sira ne'ebé mak responsabiliza ba elementu indisiplinadu sira ne'e mós tenke hetan sansaun tanba sira la tau matan ba sira nia elementu loloos. So ho disiplina maka'as mak F-FDTL bele mantein ninia reputasaun hanesan organizasaun ida ho naran-boot iha istória Timor-Leste nian. Se lae istória FALINTIL nia luta sei kose ba rai ho indisiplina iha F-FDTL. F-FDTL ne'e organizasaun ida atu mantein defeza ba ita nia independénsia no soberania, atu defende Povu Maubere bainhira Povu ne'e hetan ameasa husi ema rai-li'ur, atu mantein ita nia dignidade nu'udár nasaun soberana. F-FDTL la'ós atu fó fali ameasa ba Povu Maubere no halo moe fali ita nia nasaun ho ita nia istória. Se nune'e, Komandante Taur Matan Ruak, Komandante Lere, Falur, Sabika, ho veteranu sira seluk ne'ebé ohin sei moris, tenke moe bainhira sira haree ba ezemplu ne'ebé asua'in sira seluk hanesan Komandante Nikolau Lobato husik hela mai sira. Moe. Moe. Moe!!!
Mensajen hanesan mós ba PNTL, ne'ebé ikus ne'e halo populasaun tauk. Sira la'o bá mai lori pistola hodi ameasa ema, tiru mate ema (sei hanoin Kuka Lebre ka lae?), baku ema arbiru, la respeita ema, hanesan loloos de'it POLRI. IDa ne'e mak PNTL nia objetivu ka? Katak ema hakarak sai PNTL atu fó ameasa ba populasaun envézde fó protesaun ba sira? Ita nia rai ne'e atu bá loos ne'ebé se karik ema ne'ebé simu knaar atu fó protesaun mai ita mak sai fali ameasa ba ita? Sé nia sala? Sé mak tenke simu todan husi elementu indisiplinadu sira ne'e?
Keta mai dehan fali indisiplina ne'e "oknum individual", la reprezenta instituisaun. Lae! Ida ne'e justifikasaun ida sala-boot hodi absolve xefia PNTL nian, no mós atu husik sira sees husi sira nia responsabilidade. Xefia PNTL nian simu sira nia pozisaun sira ne'e atu tau matan ba instituisaun ne'e. Se instituisaun ne'e halo sala, komete krime ho violénsia hasoru populasaun, ida ne'e sira nia responsabilidade, sira nia sala, sira nia frakeza, sira nia inkompeténsia. Se ita hakarak mantein instituisaun ida profisionál, instituisaun ne'e labele lidera husi xefe inkompetente sira! Komandante inkompetente la pertense iha instituisaun PNTL!
Nasaun Timor-Leste ho Povu Maubere merese buat di'ak, la'ós sabraut sira ne'e. Povu Maubere labele mate saugati iha luta ba ukun-rasik-an ida ne'e, komandante sabraut sira ne'e ho sira nia elementu mau fehuk sira ne'e la merese priviléjiu atu sai membru ba organizasaun PNTL ho F-FDTL.
F-FDTL ho PNTL atu fó protesaun mai ita, la'ós sai fali ameasa ba ita!!!
5 comments:
Halo favor investiga didiak lai kazu Liquica, tanba problema nia abut ne mai husi Januario da Costa (Ajanu)ema Soibada/ finalista UNTL oan ida-nebe ba festeza ninia graduasaun iha Liquica hamutuk ho nia familia sira.
Tanba sira lahetan transporte, entaun sira husu boleia ba kolega FDTL oan ne (suspeitu), maibe sira mos lanu hotu, Ajanu ho ninia primu Nikodemus, Ma-euk no Siku Bauriak sira maka sadik fali malu hodi tun tiha husi kareta laran, ba tuku malu iha estrada klaran. Tuir fali iha ajente PNTL ida haree sira tuku malu, entaun nia telefone ba TASK FORCE mai. Bainhira Task Force to'o, la akalma situasaun deit maibe uza fali forsa, sira baku fali malu ho grupu Ajanu sira,Polisia nain rua nebe hetan kanek iha oin ne tanba Siku Bauriak mak baku ho besi kanu, membru FDTL ne mos Task Force sira baku hotu, nia hatudu duni nia kartaun FDTL maibe Task Force sira baku nafatin nia, ho nune, membru FDTL ne komu la tahan ona, nia loke odamatan hodi dada sai kilat naruk nebe hatama hela ba iha kareta nia tur fatin okos hodi fo tiru. Tanba ne, membru FDTL ne sala duni, maibe tenke investiga uluk lai grupu Ajanu nian. Ajanu ne emprezariu lokal ida naran Florindo Zerotres (kompania RIZA Ltd.)nia oan mane.
Maluk sira
TUIR LOLOS, ita lalika fiar FRETILIN DADAKAN hanesan Jose FAHI MAKAU Teixeira, Arsenio AMATIR Bano, Jose MAU-HU KAMUFLADU Manuel ho seluk seluk tan. Tanba alem de sira ne mesak bosok ten deit, ema balun hanesan Mari Alkatiri mos nia familia uluk mesak OPORTUNISTA deit.
Tuir Lolos Jose Luis Guteres, Maubocy, Victor da Costa, Reis Kadalak, ho sst, ne mak FRETILIN murni.
FRETILIN DADAKAN mak hanesan tuir mai ne'e:
1. Jose Teixeira (nia Tiun Alarico Fernandes mak Fretilin maibe ikus tiha moris iha Indonesia. Maibe Jose teixeira nia familia tomak uluk mesak UDT deit);
2. Arsenio BANO (Uluk tempo Bapak nia aman Pro-Otonomia. Ikus nia tuir maluk sira tama husu SUAKA mak, agora klaim aan nudar Fretilin);
3. Jose Reis (Nia maun mak Sahe ho Marito Reis. Maibe nia iha tempo bapak, nia servisu hamutuk ho Letjen PRABOWO SUBIANTO, agora calon Presiden GERINDRA iha Indonesia. Jose tangan kanan Prabowo nian, estraga hutan barak iha Timor, maibe FRETILIN sira matan delek i la hatene buat ida to agora);
4). Mari Alkatiri. Nia familia tomak iha tempo Indonesia mesak pro-integrasionista hotu. fan rai estado iha komoro ba Indonesia. NIa alin Achmad ALkatiri, ketua Pemuda Pancasila nebe servisu ho INTEL ho Militar Indonesia kaer, oho ho kastigo Timor oan barak. sira Riku Nafatin to agora. Bahkan Achmad nia oan Helmid Alkatiri mak iha kareta HAMMER iha timor (Hamutuk ho Ameriko Lucia Lobato nia laen). Tanba sa mak ita FRETLIN RADIKAL be matan delek nune?
KUIDADU MESTISU NO GRUPO MINORIA IHA MOS KOTU ATU FAHE MAUBERE OAN SIRA.
Ho sst....
LAO LAKON TIHA DEIT.
viva F
Maluk sira kona ba FDTL nebe karik hamosu problema ne'e laos problema tanba sira FDTL ne'ebe ONU mak forma no alos FALENTIL maibe FALENTIL be ita konese ne'e sira bubar tiha ona iha AILEU ne'ebe ita hotu labele laran moras ba FALENTIL tanba sira existi hamutuk ho ruin no ran maibe laos ho dollar ne'ebe mai husi Amerika.
Maluk sira:
hafoin nonton tiha imagen badak kona ba polisia nia atitude nebe tau iha blog ne, hau senti triste tanba polisia lubun ida uza forsa hodi atu deit ema ida. Demostrante ne'e espresa ninia hanoin no hakarak hanesan cidadaun ida nebe garantidu tuir ita nia kontituisaun. E agora se polisi uza forca no violensia hasoru problema kik hanesan ne,ita bele dehan katak sira sei amatir nafatin no seidauk profesional. Ita la imagina se sira hasoru masa demonstran nebe bot ka barak,... posibilidade ba sira halo violensia bot, podeser bele tiru tan demonstran sira.
Autoridade sira tenki hare didiak polisia nia hahalok aat ne'e. Diak liu hasai tiha deit membru polisia nebe pratika hahalok porkaria ne'e. Komando polisia nian tenki tau disiplina makas ba nia membro sira, lalika sibuk deit ho pamer aan ba - mai nebe nuka uza kakutak maibe uza deit mak forsa hanesan gorila fuik. Obrigado
Post a Comment