Maluk Timor-oan ida hatete nune kona ba Tasi Tolu iha tempu ukun-an nian:
A 'privatização' do património público em Timor-Leste chega ao auge do descaramento onde um contracto de concessão, no mínimo mal avaliada quanto ao seu benefício público, em dias se transfora em propriedade privada, à inglésa e em letras maiúsculas. Mais uma razão para reivindicar o cancelamento das obras?
Se los mak la konyese Tasi Tolu? Iha fatin ne iha bapa nia tempu sai fatin nebe bapa sira lori Timor-oan ba oho. Oho tiha Timor-oan sira, bapa sira ke duni rai kuak iha fatin ne hodi hakoi sira. Iha 1989 Papa Joao Paulo II mai visita Timor-Leste mos halo misa iha fatin ida ne. Iha duni Tasi Tolu ne, durante misa Amu Papa nian, mak Juventude Loriku Asuwa'in sira halao sira nia kampanye hodi fo sai ba mundu tomak katak iha Timor-Leste, A Luta Continua. Ikus mai iha 2002, Timor-Leste hahu ninia restaurasaun ba independensia iha duni Tasi Tolu ne.
Se mak haluhan ona katak iha tempu ida, tasi ben iha Tasi Tolu fila an sai mean tanba ran nebe Timor-oan sira fakar ba tanba kilat musan bapa nian? Parese Timor-oan sofre nain sira la haluhan. Se los mak haluhan mak lider sira nebe agora osan lanu hodi halakon hotu sira nia respeitu ba istoria terus povu Timor-Leste nian. Ohin loron lider sira ne goza ho independensia tanba ema seluk entrega sira nia vida tomak objetivu ida ne.
Letra mean iha plaka iha leten ne fo avizu ba ema hotu-hotu katak fatin ne ema seluk nia kusta ona. Laos ona Timor-oan sira nian. Se karik Timor-oan ruma hakarak ba hamrik iha fatin ne hodi hanoin hikas fali sira nia maluk nebe mate iha fatin ne, sira tenke ba husu lisensa ba rai nain. Se mak rai nain ne? Pelican Resort. Laos Timor-oan. Laos estadu Timor-Leste. Maibe ema husi rai seluk, nebe lori sira nia osan hodi sosa kotu rai ne.
Fatin ne nia folin hira? Parese ba lider sira iha AMP, fatin ne nia folin bele sukat ho DOLAR. Ba Timor-oan sofre nain sira nebe lakon sira nia maluk iha fatin ne? Fatin ne folin laek. Diferensa mak ne: lider balu iha AMP la hatene fatin ne nia folin lolos tanba sira laos Timor-oan sofre nain, sira nia maluk la mate iha fatin ne. Sira laiha ligasaun emosional ho fatin ne. Fatin ne laiha signifikadu ba sira. Lider AMP sira seluk, maski sira iha ligasaun makas ho fatin ne, ohin loron osan lanu ona sira. Sira bele fan sira nia maluk Timor-oan sira ba osan (hanesan daudauk proposta atu fan feto Timor sira ba Malaysia atu sai pembantu). Ida ne mak diferensa bot. Karik Timor-Leste merese atu iha lider sira hanesan ne? Karik ema sira ne merese atu sai lider ba Timor-Leste? Maluk ida-ida mak hanoin deit ba.
Foin daudauk, bainhira Pelican Paradise komesa hahu sira nia obras iha fatin ne, sira ke sala hodi hetan mate-ruin lubuk ida. Mate ruin sira ne mai husi tempu bapa nian, durante tempu ida kudandu bapa sira oho ema barak iha Tasi Tolu. Ema barak iha Timor-Leste, liuliu sofre nain sira, husu atu governu taka lai konstrusaun hodi, pelomenus, fo netik respeitu uitoan no mos dignidade ituan ba vitima invazaun ho okupasaun Indonezia nian. Laos vitima deit, maibe heroi ukun-rasik-an nian, ema sira nebe prontu atu fo sakrifisiu bot liu atu ita bele ohin loron goza iha nasaun ida ne.
Ita hein katak Timor-oan hotu-hotu, sofre nain ka laos sofre nain, iha korajen atu hakilar ba lider sira, liuliu lider AMP sira nebe hamahon an iha JAG nia kalilin: BASTA!!! Imi iha ona buat hotu-hotu, imi hetan ona kadeira, imi hetan ona osan, imi goza ona ho independensia nebe ema rihun ba rihun mate ba. Maibe imi labele hamos Timor-Leste nia istoria!!! Tasi Tolu fatin istoriku no fatin Santu, laos AMP nia kusta. Tasi Tolu tenki fila fali ba Timor-oan sofre nain sira, laos fan ho folin laek ba Pelican Paradise. Timor-oan nia ran, Timor-oan nia sofrimentu, laiha soi ida iha mundu mak bele sosa!!!
12 comments:
Tatoli kakutak Lakateu nian,,,
Kuandu governo fretilin karik entaun tatoli dehan ailran fuik, bele negosia ho ema strangerio sira,,,, imi koalia ran ruin deit iha imi nia tempu nunka halo tok museum ba ida ba heroi..... keta lori naran recordasaun hodi suporta imi nia luta, laos tempo par atu fan naran hodi fo dukungan politik....
bahkan 12 Nov imi hakarak atu halo lakon nia narannn,,, tamba UDT, ema seluk barak mos sai sofre ba funu,,,
imi nia koalia 100% los, mos inplementa 0000 zero
UNIDO
Alin UNIDO nia kakutak tee deit mak nokonu. Nia kolia mos te deit mak sai.
Obrigado.
Buat nebe AMP ho JAG halo ba asuain matebian sira hanesan simboliku deit hanesan los UNIDO hatete. Halo museum! Fo osan ituan ba sira! Fo lerek medaila ba sira!!! Afinal saida mak akontese?
Pro-otonomi sira mak hetan kadeira hodi sai ministru ho deputadu. Pro-otonomi sira mak hetan medaila kondekorasaun ba luta ba independensia nian. Pro-otonomi sira mak hetan proyek bobot hodi sai riku tan.
UNIDO lalika tur deit iha kamar AC iha palacio neba depois lao tunsae ho PRADO ka PAJERO. Dalruma sae netik ba foho neba hodi hare povu sofre nain sira nia moris hanusa. Uluk FRETILIN iha osan ituan deit atu halo dezenvolvimento maibe sei alkansa netik buat balu, maski ituan liu. Agora AMP iha osan barak husi fundo petroleu. Nusa mak ema iha foho neba kontinua kiak maibe ministru siar mak sae kareta bobot ho simu salariu bobot? Nusa mak dezenvolvimentu iha Dili deit no ba deit ema bot sira? Nusa mak to agora estrada deit sabraut maski osan barak fo ba empresario sira atu hadia infrastrutura? Nusa mak fos folin todan nafatin maski JAG ho Gil Alves gasta osan milyar ba milyar atu hatun folin?
Pois. Fo lerek $20 ba ferik ho katuas sira ne dehan dezenvolvimentu ona mak ne ka? Be osan ne Gil Alves ho JAG nian ka? Sira hasai husi sira nia bolsu ka lori husi Mantutu mai ka? Be osan milyar be fo ba Xanana nia subrinu ka fo ba Gil Alves nia kroni sira ne la konta ka?
Fo deit medaila kondekorasaun mos fo fali ba ex milisi sira!!! Depois milisi oho dor mos imi husik tiha mais ba ema timor sira be kontra imi iha imi nia poder ne imi sulan to tinan 16.
VIVA AMP!!!
Artigo kapas tebes-tebes!!!
Parabems.
Ita espera katak AMP loke matan ba kritika sira hanesan ne.
Dun ba se mak salah???
Maun Mari hakarak ukun ho nia ideologia politika- Maibe ema barak mak gosta kalae?? han malu ho Igreja, la interese organizasoins luta hanesan clanestina,,,lakoi rona kritika nebe mak simpliest los,, dehan deit ema beik hotu...
Maun Xanana mos hakarak ukun ho nia idelogia politika- Ema barak mak gosta kalae??? Promete buat barak, maibe kapasidade mos menus, fahe osan arbiru deit (barak itoan ema barak mak hetan)
maibe sempre rona ema beik ou povu nia lia fuan
Ternyata Xanana mak unggul nebe fo fali tempo lai ba maun bot xanana lai...
Atu dehan ida nebe mak diak los depende ema idak2 nia an ita hotu la obriga malu,,
Basica liu ita hotu tengki komprende funu ne'e Povu luta hodi lao hamutuk ho igreja, organizasoins clasnetina, ho falintil,,,
tamba nee husu ba leader fretilin radikal ho nia pengikut sira par labele arroganti tan,, tengki konsidera tamba povu mak nia partidu ukun,,,,laos tamba ninian leaderansa, sorti imi kaer partidu historicu hanesan Fretilin se partidu seluk karik lahatene los saida mak atu akontese ba imi nia moris...., ami hanoin povu lapersija imi ida
dezenvolvimento tenki lao nafatin, kombate KKN mos tenki lao nafatin,,, 2012 mak ita halo fiesta demokrasia se mak unggul nia mak ukun.
chao
Unido
Maluk Unido, lalika perde tempo koalia ho ema frustrasi sira. Tamba sira sei la loke matan atu rekonhese siora nia kekalahan.
Fretilin joga politik mak gosta violencia deit, maibe partido seluk molok hakfodak forma ona AMP, fretilin gigit jari...haha..ha..ha...
Agora maju mundur ladiak, loke netik blog tatoli para hodi trata ema AMP, kaciannnnnnnnnnn de loh!!
Fretilin mesak luta karik oras nee timor sei iha indoensia nia okos, sorte katuas JAG halo judançca hamutuk ho UDT, sst..foin ita bele manan. Agora sira dehan katak sira maka luta nain...halo moe deit matebian sira husi F. moe..moe..moe...aahhhhh!!!!
AMP anggap kritik nee hanesan labarik tk (tee kalsa) nian, jadi AMP lakohi perde tempo ho ema frustrasi sira.
AMP jaya nafatin too 2012. Fretilin sei tama rai okos hamaluk UDT.Tamba imi maka komesa funu iha 1975 (inan aman maun alin oho fali malu) muzica katuas breok Chico Lopez.
Los duni maluk Unido, iha tempo ukunan precisa ema matenek maka ukun, sira be beikten hela uluk kaer kilat iha ailaran diak liu hare ba deskança iha jaco ka iha nebe ka....konforme hili deit.
Tamba ema timor oan nebe matenek sei barak entah husi otonomi ka, udt ka, apodete ka, mesak ema timor oan asli duni.
Laiha asu aman ida atu mai duni sai fali timor oan husi nia rain rasik,,,,, nee la hetan assssuuu.
Asu beik ten hare ba toba ka ba halo natar.
Viva JAG, A Luta Kontinua kontra komunistas.
Moko ponte kais.
lalika preokupa maibe mai le nafatin blok tatoli hahahhaaaeeee loiiiiiiiii...... keta intel JAG nian karik?
AMP lakoi lakon tempo oh ema ruma tamba tempo la too atu sira bele sai riko lalais.Ema neebe sempre koalia fretilin radikal confunde radicalismo oh coerensia ideolica oh politika. keta hanoin ita rasik make tolerante oh democrata oh sira seluk comunista...
Se boot sira agora ukun Timor ne'e mak matenek karik, sira sei buka fatin seluk ba pelikan Paradise, la'os Taci Tolu ne'ebe nakonu mate ruin Timor-Oan sira!! Hau fira katak se sira kontunua nafatin ke'e rai hodi halo fundsaun, sira sei hetan tan mate ruin seluk!
Maibe labuat ida, AMP radikal sira gosta suporta makas tamba sira hakarak ema liu harii hotel ho lapangan golf ne'e iha ema nia mate ruin nia leten hodi aban bain rua ema hanesan UNIDO ho nia maluk sira ba goja iha ema liur nia PRIVATE PROPERTY NE'E!
Independente
iha Nasaun ida tencir iha ema liur mak bele nasaun ne,e bele sai mudansa
laos mano..iha nasaun ida tenki haforsa ema iha laran uluk maka depois nasaun bele forte no lao ba oin ho fiar an. Nee dunik quando ema liur tama mai hanesan complementar deit para haforsa liu tan nasaun nia progresso. Prioridade principal sempre ema rai laran! Loke matan hodi hare ba nasaun boot no avansado sira nebe komesa ho prosesu kiak hanesan ita! Haforsa uluk uma laran no fo prioridade hadia uma laran nee dunik quando odamatan loke ba ema liur uma laran metin tena, laos hein fali ema liur mak mai hametin uma laran!
ita bot sira koalia los hotu?
nusa ita la hamutuk halo demo ida para hasoru sira?
ba lakon tempo iha Tatoli ne,e mas nia rezultado ida laiha, ema ida la rona ema ida lahare.
Post a Comment