Loron: 6 Abril 1999
Mate: 60 resin
Kanek: 200 resin
Se mak responsavel: milisi Besi Merah Putih, ABRI, BRTT, Gil Alves
Iha loron ne'e, Gil Alves mai kolia ba publiku dehan Milisi Besi Merah Putih la sala. Ema sira subar iha igreja laran mak tiru milisi sira, depois milisi sira halo reasaun mak oho sira. Gil Alves la sente laran kanek tanba nia maluk Timor oan sira nebe milisi ho ABRI oho. Gil Alves defende Integrasaun ho Indonesia. Gil Alves ema Otonomista, nebe halibur hamutuk iha UNTAS.
Ohin Gil Alves kaer pasta nudar Ministru Turismo, Comercio ho Industria (MTCI) iha Governu AMP/JAG.
Gil Alves nia liman nakonu ho ran ema vitima inosente sira nebe milisia oho iha Igreja Liquisa. Ema 60!!!
Tansa Gil Alves ohin loron sai ministru maibe povu vitima sira iha Liquisa sofre nafatin?
Justisa iha ne'ebe?
Ohin tinan 12 loron Massacre Igreja Liquisa, ita ezizi Justisa hasoru kriminoju sira hanesan Sr. Gil Alves.
Tama iha Sr. Gil Alves nia Facebook, husu ba nia atu hatán povu Liquisa nia Justisa!!!
2 comments:
Hau mos hatete katak, nudar "intelektual-integrasionista" sira iha posisaun nebe'e diferente ho milisia ida. Sira iha konesementu diak liu konaba lala'ok politika, sira iha kondisaun ekonomia-social no seguransa diak liu, nune'e militar Indonesia sei la OBRIGA sira hodi kontribui ba asaun krimi nebe'e mak akontese. Maibe wainhira sira NEGA no verbalmente liu husi sira nia asaun durante tinan hirak antes 1999-liu-liu iha tinan 1999, ne'e tau sira iha posisaun ida katak sira la merese atu tur iha posisaun politika nebe'e dadaun iha no kontribui ba hamosu ema barak nia laran nebe'e kanek liu tan.
Diskusaun ne'e hahu ho titulu Gil ALves no masakre iha Igreja Liquisa, nebe'e ema hatete katak nia porta voz BRTT nian. Iha fulan hirak iha tinan kotuk, Francisco Guterress deklara nia a'an mos iha jornal Kla'ak nudar membro ka porta vos BRTT ka FPKD- instituisaun 2 ne'e pro otonomi- iha tan ema membro governu seluk mak hatete Timor ne'e ukun a'an wainhira manu nehan moris.
http://odanmatan.blogspot.com/2009/04/opiniaun-mtci-gil-alves-involve-iha_06.html
GIl Alves ne asu, moe laiha, milisi mauhu bot..
Post a Comment