Ida ne mak akontese kuandu partidu sira uza povu kik sai hanesan kuda para sira bele hetan kadeira, osan ho kareta. PD sei kontinua ezisti hanesan partidu? Ka keta hanesan ai tahan be namlele deit ho anin maibe laiha sanak, lolon ho abut?
Video iha kraik ne hatudu visi presidente PD distritu Dili nian nebe ikus mai foti desizaun katak BASTA! Nia lakohi tan fo ninia suporta ba KORRUPTOR sira iha PD ho AMP.
Rona ninia mensagen didiak, tamba mensagen ne importante tebetebes.
PD Nakfera Iha Dili
Timor Post, Segunda, 14 Fevereiru 2011
Dili-“Partidu Demokrata (PD) kontinua nakfera, Dala ida ne’e, nakfera iha Dili, Kapital Timor Leste. Domingo (13/2) horsehik, Emilia Qastro de Araujo nudar segundu Vice Prezidente PD iha Distritu Dili, afilia ba FRETILIN.
Nia laos mesak. Lori los Martinho Nunes, responsavel PD iha Suku Vila Verde,”durante governasaun Aliansa Maioria Parlamentar, nunka tau matan ba povu iha baze, ne’ebe uluk luta no suporta AMP, Liliu PD rasil,”Amelia no Nunes deklara sai iha serimonia afiliasaun, ne’ebe asisti direita husi Sekretariu Jeral FRETILIN, Marí Bin Alkatiri no membru CCF sira seluk.
Emelia Qastro deklara, durante iha estrutura PD nian aprende biat barak maibe bosok mak barak katak la hatudu realidade ne’ebe sira promesa.
“Hau haree buat barak, maibe hanoin maka ninia uluk hanesan agora dadaun, sae tia ba Ministru la liga ona ita,”deklara nia.
Maibe lider PD nain rua ne’e la esplika klaru konaba militante hirak mak konsege afilia ba FRETILIN maibe promete deit katak iha area Suku Vila Verde laiha ema seluk mak kaer masa iha area refere.
“Ami labele dehan ema hirak mak afilia, maibe iha kotuk lalatak barak los iha Suku ne’e laiha ema seluk, se la’os ita,”Martinho akresenta.
Sekjen FRETILIN Dr. Marí Alkatiri
Sekretariu Jeral FRETILIN, Marí Bin Alkatiri, hateten, odamatan FRETILIN nakloke ba ema hotu, nebe uluk lao sala dalan, atu hamutuk fali iha FRETILIN.
“FRETILIN Povu Maubere nian, Ne’eduni, mai hamutuk atu lori partidu ba oin,”Alkatiri dehan.
Alkatiri Akuza AMP halo hahalok korupsaun barak, nebe rejulta povu kontinua moris kiak. Serimonia afiliasaun ne’e ho sinal intrega kamiza no emblema FRETILIN ba lider nain rua ne’e.(agus dos santos)
3 comments:
Ema nain 2 sai husi PD nee mos uluk F nanis kedas, Ida feto nee sai husi PD tamba razaun haksesuk malu rai iha Bebora ho nia primu nebe mos SEKJER PD Distritu Dili Julio Castra. Ida seluk mane ne'e nia hato'o proposta ba Agrikultura husu osan $8000 maibe realidade hetan deit aprovasaun $3000 mas ida ne'e mos lato'o, konsidera katak ema latau matan nafatin, entau diak liu ba tama F para simu osan barak liu. IDA NEE MK PULITIKA ASU KUTUN
PD Lalika preukupa !
imi nia militante PD hira maka ba Fretilin RADIKAL, lalika interrese, imi nian dotrina DEMOKRATKU duni, sira rua ne iha Dili ema ida mos Lakonese, sira 2 ne halo hira ona ba PD, hare tok resultadu eleisaun ba PD iha Dili, sira rua sai diak liu tamba sira 2 La halo esforsu, hare tok Vila verde imi PD hetan hira ?..
Observa no imi PD so bele sente lakon wainhira imi Lakon quadro prinsipais ruma, nebe iha duni influensia iha komunidade let, ida be koalia iha TVTL mos ita La Komprende nia hakarak seda los,..oinsa ba fiar no hein ktk sira 2 ne maka atu hasae imi PD nia votus..
hare buka maka ema potensial, matenek duni, hatene influensia votantes ho argumentos nebe qualidade..iha Dili ema barak maka matenek..sira ne,..Laiha pengaruh saa kompanheirus sira..
fiar an PD, sempre Manan, konta iha ERMERA, SAME, BOBONARO, SUAI, DILI, Oecusse...Plus LOSAPLOS..imi bele buka votus iha neba..
ami Juventudi balun hakarak mos atu tama PD, hein deit tempu maka ami deklara ..para tau iha TVTL, mas ami La husu osan ba PD, ami La husu kadeira ba PD, ami fo votus no afilia tamba imi nia programa Diak duni..
hein tempu !
ami hatene katak PD ne anti komunista, PD ne kaer metin religiaun katoliku, Laos hanesan fretilin kaer idiologia kiri/ komunista, ho tan nia ulun bot Islam Radikalista mari Alkatiri, imi hare negara2 Islam iha Medio Oriente neba.. Mari Alkatiri Laiha diferensa ho MUBARAK, Ho Moamar Qadaffi, Ahmed Dinejad..etc..
diak liu maka Hili PD, ka partido AMP seluk..
Komunista maka lae duni..
viva AMP
Normal ba ema sira ne'ebe hakarak apreende politika. ema ida ka rua halo esteitmento hodi afilia ba partido seluk, objectivu la seluk atu buka kadeira. i partido ne'ebe simu ema hanesa ne mos aproveita deit. bainhira partido ne menan nia sei la halo buat barak ba o nebe afilia ba partido. importante mak ne'e o ho o nia konsiensia tomak tuir partido ne'e ho prinsipiu ida atu dezenvolve nasaun ne'e ho paz laos o ba hakilar iha TVTL para ema hare o ne heroik, o mak figura diak. la hetan boy.
Post a Comment