Diplomata sira iha MNEC amiasa estraga malu

Ida ne mak SMS husi Elisa da Silva (foto iha kraik), agora daudauk serve iha embasada Timor-Leste nian iha Canberra, ba Tony Duarte, uluk servisu nudar direktor jeral iha MNEC.

SMS ne'e dehan:

Asu! kastigu ida diak liu ba o mak atu koa kotu o nia Lasan. Prepara o nia an tamba ema ida iha ona neba atu atu halo buat ne'e

SMS ne'e haruka husi numeru telefone +61403618922, no simu iha loron 11 fulan Agostu tinan 2010, horas 2:37:13 AM (dadersan nakukun). Kodigu ho +61 ne'e kodigu Australia nian.

Problema entre Tony Duarte ho staff sira husi MNEC, inklui ministru Zacarias da Costa mosu kleur ona. Uluk sira diak malu tebetebes no buka hasae malu ba pozisaun oioin. Maibe ita la hatene lolos, ikus mai sira mak han malu fali. Ketan osan mak la to'o karik? Tony Duarte ho MNEC ho Zacarias da Costa nia problema bele sani iha Tempo Semanal iha ingles. Artigu ida seluk, iha mos ingles, bele sani iha ne'e.

Laos buat foun ida ba ita hotu-hotu katak governu AMP ne governu ida la hun la dikin, maibe tau hamutuk deit tamba maun bot Xanana la konsege hetan ema diak ida atu servisu ho nia. Tan ne mak ninia governu ne nakonu deit ho korruptores, eis milisias pro-autonomia no mos inkompetentes. Xanana lori osan taka Povu nia matan ba ninia ministru korruptores, traidores no inkompetente sira ne. Ikus mai, nasaun Timor-Leste ho Povu Maubere mak lori todan.

Agora ita nia diplomata sira iha embasada ita nian iha Australia amiasa atu estraga ema. Ida ne aktu kriminozu ida. Maibe karik ne laos ona buat ida atu halo ita hakfodak? Tamba governu AMP nebe lidera husi Sr. Jose Alexandre Gusmao mesak nakonu ho kriminozu deit.